یاریگا –
بەهۆی ئەنجامە خراپەكانییەوە گومان لە بەردەوامی كارلۆ ئانچێلۆتی ئیتاڵی و راهێنەری یانەی ریال مەدریدی ئیسپانی دەكرێت.
شەوی رابردوو ریال مەدرید لە یاریگای خۆیدا میوانداری ئەیسی میلانی كرد و یارییەكەش بە ئەنجامی سێ گۆڵ بەرامبەر گۆڵێك لە بەرژەوەندی یانەی میوان كۆتایی هات، لە میانی یارییەكانی گەڕی چوارەمی چامپیۆنزلیگ.
لە دوو یاری رابردوودا ریال مەدرید بەرامبەر یانەكانی بارسێلۆنا و ئەیسی میلان حەوت گۆڵی لێكراوە.
🚨 NEW: There were no plans to SACK Carlo Ancelotti mid-season, but the results are THREATENING him. @Rodra10_97 pic.twitter.com/yEyYHT4lf6
— Madrid Zone (@theMadridZone) November 6, 2024
بەگوێرەی زانیارییەكانی تۆڕی رێلیڤۆ، گومان لە مانەوەی كارلۆ ئانچێلۆتی لە راهێنەرایەتیكردنی ریال مەدرید دەكرێت.
ئاماژە بەوەشكراوە، لەم وەرزەدا تا ئێستا كارلۆ ئانچێلۆتی كلیلی یاریكردنی تیپەكەی نەدۆزیووەتەوە و ئاستێكی باشیان پێشكەش نەكردووە، هێڵی بەرگری هۆكاری سەرەكی دۆڕاندنەكان دادەنرێت.
ئەوەشخراوەتە روو، دوو هۆكار ئیدارەی یانەی ریال مەدرید بێزار دەكات، یەكەم خراپی ئاستی جود بێڵینگهام، دووەم كەمی بەشداریكردنی ئاردا گولەر و ئێندریك.
ئەگەر لە یارییەكانی داهاتوودا ئاستی باشتر نەكات ئەوا كارلۆ ئانچێلۆتی لە راهێنەرایەتیكردنی ریال مەدرید دووردەخرێتەوە.
