ئاستۆن ڤیلا لە تواناکانی ئەستێرەیەکی بێبەش دەبێت

یاریگا –

ماتی کاش، بەشداری لە یاریی ئەمشەوی ئاستۆن ڤیلا لە چامپیۆنزلیگ بەرامبەر کڵەب برووج ناکات.

کاش بەهۆی پێکانی شان کە لە یاریی رابردوو بەرامبەر تۆتنهام تووشی بوو، گەشتی نەکردووە و پێناچێت بەشداری لە یاریی داهاتووی ئاستۆن ڤیلاش لە پرێمەرلیگ بکات.

تاوەکو ئێستا بانگهێشتکردنی ماتی کاش، بەرگریکاری پۆڵەندی بۆ یارییەکانی نەیشنزلیگ بەرامبەر پۆرتوگال و سکۆتلاند یەکلایی نەبووەتەوە.

کاش بەهۆی پێکانی ران، بەشداری لە شەش یاریی سەرەتای ئەم وەرزە نەکردووە و لەو ماوەیەدا، ئێزری کۆنسا شوێنی پڕکردەوە.

یاریی داهاتووی ئاستۆن ڤیلا لە پرێمەرلیگ بەرامبەر لیڤەرپوولە و دواتر پشووی یارییەکانی نێودەوڵەتی دەستپێدەکات.