ناوەڕاستکارەکەی ئارسیناڵ بە نهێنی ژیانی هاوژینی پێک دەهێنێت
یاریگا –
مارتن ئۆدیگارد، کاپتنی یانەی ئارسیناڵی ئینگلیزی، کە بە هۆی پێکانەوە لە یاریگاکان دوور کەوتووەتەوە، بە نهێنی و دوور لە چاوی کامێراکان ژیانی هاوسەرگیری پێکهێنا.
لە رووداوێکی تەواو بێدەنگدا، تۆماری نیشتمانیی نەرویج کە زانیاریی هاووڵاتیان تۆمار دەکات، رایگەیاند کە مارتن ئۆدیگارد، کاپتنە لاوەکەی ئارسیناڵ هاوسەرگیری کردووە.
پێدەچێت یاریزانە نەرویجییەکەی ئارسیناڵ کە نزیکەی 60 رۆژە لە یاریگاکان دوور کەوتووەتەوە، بە باشترین شێوە سوودی لە ماوەی پشووەکەی وەرگرتووە و دوور لە میدیاکان و بە بێ بڵاوکردنەوەی هیچ وێنەیەک لە تۆڕی کۆمەڵایەتی لەگەڵ کچە خۆشەویستەکەی ژیانی هاوژینی پێکهێناوە.4
Martin Odegaard is married! Arsenal captain secretly weds his pregnant girlfriend Helene Spilling – after she was spotted with a ring at charity gala https://t.co/gardMaAOMi
— Mail Sport (@MailSport) November 4, 2024
ئەوەی جێگای سەرنجە هاوژینەکەی ناوی بۆ هێلین سپێلینگ ئۆدیگارد گۆڕیوە و ناوی کۆتایی کاپتنی ئارسیناڵی بۆ ناوەکەی زیاد کردووە.
هاوکات ئۆدیگارد هێواش هێواش بۆ گەڕانەوە بۆ پێکهاتەی ئارسیناڵ خۆی ئامادە دەکات. بە تایبەتی ئێستا کە گەنەرز لە یارییەکانی ئەم دواییەدا خاڵێکی زۆریان لەدەست داوە، گەڕانەوەی ئۆدیگارد کە تازە هاوسەرگیری کردووە دەتوانێت یارمەتیدەرێکی گەورە بێت بۆ میکێل ئارتێتا تاوەکوو رێچکەی پاڵەوانییەتی بگرێتەوە بەر.
