پریڤیوی یاری ریال مەدرید V ئەیسی میلان؛ دوا هەواڵ و پێكهاتەی پێشبینیكراو

یاریگا –

ئەمڕۆ لە یارییەكی ئاگرینی دیكەدا هەردوو یانەی ریال مەدریدی خاوەن زۆرترین نازناوی چامپیۆنزلیگ و ئەیسی میلان رووبەڕووی یەك دەبنەوە.

وابڕیارە ئەمڕۆ سێشەممە كاتژمێر 23:00 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئەیسی میلان بكات، لە میانی یارییەكانی گەڕی چوارەمی چامپیۆنزلیگ.

پڕۆفایلی یاری

كوڕانی كارلۆ ئانچێلۆتی وەرزی 2024/25یان بە بردنەوەی نازناوی سوپەری ئەوروپا دەستپێكرد، كاتێك توانیان لە ئاتاڵانتا ببەنەوە، لە لالیگاش بە كۆكردنەوەی 24 خاڵ لە ریزبەندی دووەم دێن و بە جیاوازی سێ خاڵ لە دوای بارسای پێشەنگەوەن.

ریال مەدرید لە لالیگادا بەگۆڵێك لەگەڵ مایۆركا، لاس پاڵماس و ئاتلێتیكۆ یەكسان بوو، لە یانەكانی ڤایادۆلید، ریال بێتیس ، ریال سۆسێداد, ئیسپانیۆل ، ئالاڤێس، ڤیاڕیال و سێلتا ڤیگۆی بردەوە.

هەفتەی رابردوو ریال مەدرید لە یاریگای خۆیدا میوانداری بارسێلۆنای كرد و بە چوار گۆڵی بێ وەڵام تووشی شكستێكی سەخت هات.

یانە شاهانەكە بە كۆكردنەوەی 24 خاڵ لە ریزبەندی دووەمی لالیگا دێن و بە جیاوازی نۆ خاڵ لە دوای بارسێلۆنای پێشەنگەوەن.

ریال مەدرید لەم وەرزەدا سێ یاری بەرامبەر یانەكانی شتوتگارت، لیل و بۆرووسیا دۆرتموند كردووە و لە شتوتگارت و دۆرتموندی بردەوە و بەرامبەر لیل تووشی شكست هات.

ئەیسی میلان بە بارودۆخێكی سەختدا تێدەپەڕێت و لە كۆی سێ یاری تەنیا یەك یاری بەرامبەر كڵەب بروج براوە بووە و بەرامبەر بایەر لیڤەركوزن و لیڤەرپوول دۆڕاوە.

لە سێریا ئەی بە كۆكردنەوەی 17 خاڵ لە ریزبەندی حەوتەم دێت.

هەواڵی پێكانی یاریزانەكان

ریال مەدرید بە بێ دانی كارڤاخال، دەیڤد ئالابا و تیبۆ كۆرتوا رووبەرووی میلان دەبێتەوە.

لەبەرامبەردا میلان بە بێ گابیا، ئیسماعیل بن ناسر و فلۆرێنزی بەرامبەر مەدرید یاری دەكات.

پێکهاتەی پێشبینیکراوی ریال مەدرید

لونین

مێندی، رودیگەر، میلیتاو، ڤازكوێز

ڤاڵڤێردی، مۆدریچ، بێڵینگهام

ڤینیسیۆس، ئێمباپێ، رۆدریگۆ

پێکهاتەی پێشبینیکراوی ئەیسی میلان

ماینان

ئێمیرسن، تۆمۆری، تیاو، هێرناندێز

فۆفانا، ریێندێرس

پولیسیچ، لۆفتوس چیك ، لیاو

مۆراتا