یاریگا –
فرانک لامپارد هەلێکی راهێنەرایەتیکردنی لە خولی ئیتاڵیەوە بۆ هاتووەتەپێش و بەربژێرێکی سەرەکیە بۆ پۆستەکە.
کاروانی راهێنەرایەتی فرانک لە 2018 لەگەڵ یانەی دێربی کاونتی چامپیۆنشیپی وڵاتەکەی دەستیپێکرد پێش ئەوەی ئەزموونەکەی بگوازێتەوە بۆ چێڵسی لە ساڵێک دوای ئەوە. ناوبراو لەگەڵ بلووز تا ساڵی 2021 مایەوە و پاشان روویکردە ئیڤەرتن و لەوێش تا 2023 مایەوە. دیارترین ئەنجامەکانیشی لەو کاروانەدا گەشتنی بوو بە یاریی کۆتایی جامی یەکێتی ئینگلتەرا لەگەڵ چێڵسی.
بەگوێرەی زانیارییەکانی گازێتا دێلۆ سپۆرتی ئیتاڵی، لامپارد وەک بژاردەیەکی شۆکهێنەر دەرکەوتووە بۆ وەرگرتنی پۆستی راهێنەرایەتیکردنی یانەی رۆما.
گورگەکانی رۆما لەژێر سەرپەرشتی ئیڤان یوریچی یوگوسلاڤی بە یەکێک لە خراپترین ماوەکانی خۆیاندا گوزەردەکەن. بەجۆرێک لە دوای 11 هەفتەی خولی ئیتاڵی تەنها 13 خاڵیان کۆکردووەتەوە و لە پلەی 11 دێن.
لە یۆرۆپالیگیش حاڵیان لەوە باشتر نییە و لە کۆی 3 یاریی خاوەنی 4 خاڵن و لە پلەی 19 دەبینرێن.
