سێ یاریزانی کورد بۆ هەڵبژاردەی لاوانی عێراق بانگهێشتکران

یاریگا –

سێ یاریزانی کورد بۆ یارییەکی دۆستانە بەرامبەر ئۆزباکستان بانگهێشتی هەڵبژاردەی لاوانی عێراق کران.

عیماد محەمەد راهێنەری هەڵبژاردەی لاوانی عێراق لیستی هەڵبژاردەکەی بۆ یارییە دۆستانەکەی بەرامبەر ئۆزباکستان راگەیاندووە، کە رۆژی 10ـی ئەم مانگە شاندی هەڵبژاردەکە دەچێتە تەشقەند و لەوێ کەمپێکی مەشق و راهێنان دەکەنەوە.

هەریەکە لە سیداد حاجی و ئارێز خۆشناو و مستەفا قابیل سێ یزراینی کوردن لەو لیستەی عیماد محەمەد دان، کە هەڵبژاردەی لاوانی ئاسیا بۆ جامی ئاسیا خۆی ئامادە دەکات، کە مانگی فێبرایەری داهاتوو لە چین دەکرێت.

ئارێز خۆشناو یاریزانی کوردی یانەی هۆنکای فینلاندی یەکەمجارە لەلایەن عیماد محەمەدەوە بانگهێشتی هەڵبژاردەی لاوانی عێراق دەکرێت، کە لە خولی پلە چواری فینلەندا یاریی دەکات و هەڵگری وڵاتینامەی فینلەندا و عێراقە.

لیستی یاریزانانی هەڵبژاردەی لاوانی عێراق بۆ یاریی ئۆزباکستان: ویسام عەلی، لەیس ساجد، ریزا محەمەد، سەجاد محەمەد، ئادەم تاڵیب، محەمەد غالیب، موسا عەلا، عەباس عەدنان، موسلم موسا، حوسێن فاهم، حەسەن عیماد، یاسر ویسام، ئەمووری فەیسەڵ، عەلی موخەلەد، ئەمیر فەیاز، لەیس زیا، یوسف قاسم، سیداد حاجی، کەڕار جەعفەر، ئەحمەد جاسم، مستەفا نەواف، ئارێز خۆشناو، ئەیمەن لوئەی، عەلی ئەکبەر، مستەفا قابیل، حەیدەر حەمەد.