ئیبراهیما كۆناتێ باس لە پێكانەكەی دەكات

یاریگا –

ئیبراهیما كۆناتێ، ئەستێرەی هەڵبژاردەی فەڕەنسا و یانەی لیڤەرپوولی ئینگلیزی باس لە پێكانەكەی دەكات.

لیڤەرپوول لە یاریگای ئانفیڵدی تایبەت بە خۆی میوانداری برایتنی كرد و یارییەكەشی بە ئەنجامی دوو گۆڵ بەرامبەر گۆڵێك لێ بردەوە، لە میانی یارییەكانی هەفتەی دەیەمی پرێمەرلیگ.

لەو یارییەدا كۆناتێ بەهۆی پێكانەوە نەیتوانی یارییەكە تەواو بكات و لە دوای كۆتاییهاتنی گێمی یەكەم یاریگای بەجێهێشت و جۆ گۆمێز جێگای گرتەوە.

 

View this post on Instagram

 

A post shared by @ibrahimakonate

كۆناتێ لە هەژماری تایبەتی خۆی لە ئینستاگرام نووسیویەتی:

سوپاس بۆ پەیام و پشتگیرییەكانتان، خۆشبەختانە پێكانەكەم قورس نیە. ئەمڕۆ تیشكی ئێكسم بۆ كرا و دەركەوت كە هیچ شكانێك نییە، بۆ یاری داهاتوو ئامادە دەبم.

لیڤەرپوول بە كۆكردنەوەی 25 خاڵ پێشەنگی ریزبەندی پرێمەرلیگی گرتووە و بە جیاوازی دوو خاڵ لە پێش مانچێستەر سیتی دووەمەوەیە.