ئینیگۆ مارتینێز سەرسامی ئەستیرەیەکی ریال مەدریدە
یاریگا –
ئینیگۆ مارتینێزی بەرگریکاری بارسێلۆنا، زۆر حەزی لە شێوازی یاریی کردنی لۆکا مۆدریچە و بە باشترین یاریزانی ناوەڕاستی جیهانی دەزانێت.
لە تەمەنی 39 ساڵیدا، لۆکا مۆدریچ تا ئێستاش بە یەکێک لە پارچە سەرەکییەکانی ریال مەدرید دادەنرێت، ئاستی باشی وەرزی رابردووی یانەکەی رازی کرد گرێبەستێکی نوێ لەگەڵیدا واژۆ بکات، لەم وەرزەشدا، توانی ئاستێکی سەرنجڕاکێش پێشکەش بکات.
ساڵانێکی زۆر ئەم یاریزانە لەگەڵ تۆنی کروس باشترین ناوەراستکاری ریال مەدرید بوون، هەروەها توانی لە ساڵی 2018 خەڵاتی باڵۆن دۆر بەدەستبهێنێت، ئەم وەرزەش پلانی ئەوە بوو لە سانتیاگۆ بێرنابیۆ درێزە بە ژیانی وەرزشی بدات و لە یانەکە بەردەوام بێت چونکە بۆ مۆدریچ ماڵئاوایی لە ریال بە واتای ماڵئاوایی لە جیهانی تۆپی پێ دێت.
هەڵسوکەوت و کەسایەتی هێمنەکەی وایکردووە زۆرێک لە رکابەرە کۆن و جدییەکانی ریال مەدرید رێزێکی تایبەتیان بۆ ئەم ئەستێرە کرواتییە هەبێت، ئێستاش نۆرەی ئینیگۆ مارتینێزە باسی بکات و نیشان بدات کە سەرسامە بە جادووی ئەم یاریزانە لە یاریگادا.
✨🇭🇷 Iñigo Martinez: “Luka Modrić is the best in the world in terms of vision of the game”.
“His magic on the pitch is undeniable”. pic.twitter.com/1AvYLXAXAm
— Fabrizio Romano (@FabrizioRomano) November 3, 2024
لە گفتوگۆیەکیدا لەگەڵ سپۆرت. مارتینێز سەبارەت بە باشترین یاریزانانی تۆپی پێی جیهان گوتی:
لۆکا مۆدریچ لە رووی ئەو دیدگایەی لە کاتی یارییەکاندا و لە هێڵی ناوەڕاستدا هەیەتی بە باشترین یاریزانی جیهان دادەنرێت. جادووەکەی لە یاریگادا ناوازەیە.
