یاریگا –
لە یارییەکانی ئەمڕۆی خولی بەڕازیلی، راهێنەری فولینێنسی ‘سووکایەتی’ بە مارسیلۆ دەکات و ناهێڵێت بچێتە ناو یاریگا، دەیگەڕێنێتەوە سەر کورسی یەدەک.
بەرەبەیانی ئەمڕۆ لە یارییەکانی خولی بەڕازیلی لە یاریی نێوان فلومینێنسی و گریمیۆ کە هەردوولا 2-2 یەکسانبوون، لە خولەکەکانی کۆتایی یارییەکە مانۆ مێنێزێس راهێنەری فلومینێنسی بڕیاریدا مارسیلۆ بەرگریکاری بەنێوبانگی بەڕازیلی بچێتە ناو یاریگا، کەچی دواتر پەشیمان دەبێتەوە.
Já à beira do campo, Mano desiste de lançar Marcelo em Fluminense x Grêmio. pic.twitter.com/a6pSTRQWAG
— ge (@geglobo) November 2, 2024
لە خولەکی 90ـی یارییەکە کاتێک مارسیلۆ دەچێتە سەر هێڵی یاریگا بۆ ئەوەی بچێتە ناو یاریگا، راهێنەرە 62 ساڵانەکە یەخەی دەگرێت و دەبێتە دەمەقاڵیان، راهێنەرەکە بڕیاری خۆی دەگۆڕێت و بڕیار دەدات گۆڕانکاریی پێنەکات و دەیگەڕێنێتەوە سەر کورسی یەدەک و ناهیلێت بەشداریی یارییەکە بکات.
مانۆ مێنێزێس، راهێنەری فلومینێنسی دوای یارییەکە لە کۆنگرەی رۆژنامەوانی لەبارەی هۆکاری گەڕانەوەی مارسیلۆ بۆ سەر کورسی یەدەک گوتی :’من بەنیاز بووم مارسیلۆ لە یارییەکە بەشداریی پێبکەم، بەڵام من هەندێک شتم بەدڵ نەبوو، بۆیە بڕیارمدا بڕیارەکەم بگۆڕم و جۆن کێنێدی بنێرمە ناو یاریگا بەشداریی یارییەکە بکات’.
Mano Menezes foi perguntado sobre John Kennedy, mas respondeu falando sobre Marcelo. Isso porque o camisa 12 entraria, mas segundo Mano, falou algo que o técnico não gostou na beira do campo. O treinador não entrou em detalhes – quem vai fazer isso é Mário Bittencourt. pic.twitter.com/9yGhfCKOe6
— Caio Blois (@caioblois) November 2, 2024
هەوادارانی بەرگریکارەکەی پێشووی ریال مەدرید لە سۆشیاڵ میدیا هێرشێکی توندیان کردووەتە سەر راهێنەرەکەی فلومینێنسی و هەڵسوکەوتەکانیان بە ‘سووکایەتی’ لە قەڵەمداوە.
مارسیلۆ لەم وەرزە لە سەرجەم پاڵەوانێتییەکان بەشداریی 38 یاریی کردووە، لە 20 یاری سەرەکی بووە و لە نیوەی دووەم هاتووەتە دەرەوە، لە 10 یاریش وەکو یاریزانی یەدەک بەشداریی کردووە، لە خولی بەڕازیلی لەکۆی 17 یاری تەنیا هەزار و 49 خولەک یاریی کردووە.
فلومینێنسی لەم وەرزەی خولی بەڕازیلی بە کۆکردنەوەی 37 خاڵ پلەی دوازدەمی خولەکە دێت، لە 32 یاری 10 بردنەوەی بەدەستهێناوە.
