رۆدریگۆ بۆ یاریی ئەیسی میلان ئامادە دەبێت؟
هێرشبەرە بەڕازیلییەکە لە پێکانەکەی چاکبووەتەوە
یاریگا –
رۆدریگۆ ململانێی کات دەکات بۆ ئەوەی لە یاریی ئەیسی میلان لەم هەفتەیە ئامادە بێت، بەڵام هێشتا تەواو بەردەست نییە.
تۆڕی وەرزشی ریلیڤۆی ئیسپانی ئاشکرایکردووە، رۆدریگۆ دەستی بە راهێنانەکانی کردووەتەوە و نزیکە بە تەواوەتی لە پێکانەکەی چاکبێتەوە و بۆ یاریکردن ئامادە بێت، بەڵام بەگوێرەی زانیارییەکان ئەستەمە دەستەی پزیشکی یانە مەدریدییەکە بۆ یاریی بەرامبەر ئەیسی میلان لە چامپیۆنزلیگ گڵۆپی سەوزی بۆ هەڵ بکەن.
⚡ @RodrygoGoes ⚡#RMCity pic.twitter.com/FpLC6hX81D
— Real Madrid C.F. 🇧🇷🇵🇹 (@realmadridpt) November 1, 2024
گەرچی رۆدریگۆ هەموو ئامانجێکی ئەوەیە بۆ یاریی سێشەممە بەرامبەر میلان بەردەست بێت، بەڵام ئەو هێرشبەرە بەڕازیلییە ئەستەمە بۆ یارییەکەی رۆسۆنێری بگەڕێتەوە یاریگاکان، بەڵکو گەڕانەوەی بۆ یاریگاکان بۆ رۆژی شەممە لە یاریی بەرامبەر ئۆساسۆنا دوادەکەوێت.
رۆدریگۆ بەهۆی ئەو پێکانەی لە رانی چەپی تووشی بوو، لە دوایین پێنج یاریی ریال مەدرید دابڕا و زیاتر لە 20 رۆژە لە یاریگاکان دابڕاوە، ریال مەدرید بەبێ رۆدریگۆ بەرامبەر لیل لە چامپیۆنزلیگ و بارسێلۆنا لە لالیگا تووشی شکست بوو.
