ئەستێرەیەکی ریال مەدرید لە لیستی یاریزانانی بەڕازیل دوورخرایەوە

یاریگا –

ڤینیسیۆس جونیۆر و رافینیا سەرکردایەتی هەڵبژاردەی بەڕازیل لە پاڵاوتنەکانی مۆندیالی 2026 دەکەن.

هەرچەندە نێیمار دا سیلڤا یارییەکانی دەستپێکردووە، بەلام لەلایەن دۆریڤاڵ جونیۆر بانگهێشت نەکراوە. نێیمار بەشداری لە یاریی هەفتەی رابردووی هیلالی لە بەرامبەر عەین لە چامپیۆنزلیگی ئاسیادا کرد.

رافینیا لە مانگی  رابردوودا، ئاستێکی بەرزی لەگەڵ بارسێلۆنا پێشکەشکرد و ئێستا یەکێکە لە دیارترین یاریزانانی پێکهاتەی بەڕازیل.

ڤینیسیۆس بەهۆی پێکانی مل، بانگهێشتی یارییەکانی مانگی رابردوودا نەکردبوو، لەلایەکی دیکەشەوە، ئێندریک بانگهێشت نەکراوە.

بەڕازیل بە کۆکردنەوەی 16 خاڵ، لە پلەی چوارەمی ریزبەندی پاڵاوتنەکانی کیشوەری ئەمریکای باشوور بۆ مۆندیالی 2026 دێت. 14ی ئەم مانگە رووبەڕووی ڤێنێزوێلا دەبێتەوە و دوای پێنج رۆژ بەرامبەر یوروگوای یاریی دەکات.

لیستی یاریزانانی بانگهێشتکراو

گۆڵپارێزان: بێنتۆ (نەسڕ)، ئێدەرسن (مانچێستەر سیتی)، وێڤێرتن (پالمێراس)

بەرگریکاران: دانیلۆ (یوڤێنتوس)، ڤاندێرسن (مۆناکۆ)، گیلێرمی ئارانا (ئاتلێتیکۆ مینێیرۆ)، ئابنەر (لیۆن)، ئێدێر میلیتاو (ریال مەدرید)، گابریێل ماگالاس (ئارسیناڵ)، مارکینیۆس (پاریس سانجێرمان)، موریلۆ (نۆتینگهام فۆڕێست)

ناوەڕاستکاران: ئاندرێ (وۆڵڤز)، ئاندرێس پێرێیرا (فولهام)، بڕونۆ گیمارێش (نیوکاسڵ یونایتد)، گێرسن (فلامێنگۆ)، لوکاس پاکێتا (وێستهام یونایتد)، رافینیا (بارسێلۆنا)

هێرشبەران: ئێستێڤاو (پالمێراس)، رۆدریگۆ و ڤینیسیۆس جونیۆر (ریال مەدرید)، لویز هێنریکێ و ئیگۆر خێسوس (بۆتافۆگۆ)، ساڤینیۆ (مانچێستەر سیتی)