یاریگا –
یانەی ریال مەدریدی ئیسپانی هاوكاری دارایی دەبەخشێتە ئەو كەسانەی كە بەهۆی زریانی دانا كە ڤالێنسیای گرتووەتەوە زیانیان بەركەوتووە.
بەهۆی درووستبوونی لافاو لە ڤالێنسیا ژمارەیەكی زۆر قوربانی لێكەوتەوە و بە هەزاران كەسیش بەهۆی ئەو زریانەوە زیانیان بەركەوتووە.
هەروەها بەهۆیەوە چەند یارییەكی جامی شای ئیسپانیا و وەرزشە جیا جیاكان دواخران.
دوێنێ بەفەرمی لالیگا بڕیاری دواخستنی یارییەكەی نێوان ڤالێنسیا و ریال مەدریدی دا.
El Real Madrid dona un millón de euros para ayudar a las víctimas de la DANA.#RealMadrid
— Real Madrid C.F. (@realmadrid) October 31, 2024
هەژماری فەرمی ریال مەدرید لە بەیاننامەیەكدا رایگەیاند:
ریال مەدرید بڕیاریدا بە بەخشینی یەك ملیۆن یۆرۆ یارمەتی قوربانیانی ئەو زریانەی ڤالێنسیا بدات.
چاوەڕوان دەكرێت یارییە دواخراوەكەی ڤالێنسیا و ریال مەدرید لە مانگی یەكی ساڵی داهاتوو بكرێت.
