یاریگا –
یانەی ڕیال مەدرید هەوڵدەدات پاداشتی ئەستێرە بەڕازیلییەکەی ڤینیسیۆس جونیۆر بداتەوە کە لەم دواییانەدا تووشی شۆکێک بوو کاتێک خەڵاتی تۆپی زێنی 2024 لەدەستدا.
ئەمڕۆ پێنجشەممە، تۆڕی رێلیڤۆی ئیسپانی بڵاویکردەوە، كارگێری یانە مەدریدیەکە دەیەوێت گرێبەستێکی نوێ لەگەڵ ڤینیسیۆس واژۆبکات، بۆ ئه‌م مه‌به‌سته‌ش دەستیان بە دانوستانەکانی لەگەڵ کەسانی نزیک لە ڤینیسیۆس کردووە.
El Madrid quiere premiar a Vinicius con otra renovación y el jugador no tiene prisa.
◾️ El club blanco se acercó hace un par de meses al entorno del brasileño.@MatteMoretto 🤝 @JorgeCPicon https://t.co/f4uiABmwEH
— Relevo (@relevo) October 31, 2024
ئاماژەی بەوەشکردووە، ڤینیسیۆس کە گرێبەستەکەی ئێستای لە هاوینی 2027 کۆتایی دێت، پەلە ناکات لە نوێکردنەوەی لەگەڵ مێرێنگێ، و چاوەڕێی ساتێکی گونجاوە بۆ گفتوگۆکردن لەسەر ئەم بابەتە ده‌كات، چونكه یاریزانه به‌رازیلیه‌كه چه‌ند یانه‌یه‌ك ده‌یه‌ویت گرێبه‌ستی له‌گه‌ڵ بكات.
جونیۆر (24 ساڵ) لە هاوینی 2018 لە یانەی فلامینگۆی بەڕازیلییەوە په‌یوه‌ندیبه ریال مه‌درید كرد.
یاریزانە بەڕازیلییەکە لە دوو وەرزی رابردوودا بووە بە دیارترین ئەستێرەی یانه مه‌دریدیه‌كه، بەتایبەتی دوای ئەوەی کەریم بێنزیمە ریزه‌كانی یانه‌كه‌ی جێهێشت. په‌یوه‌ندی به یانه‌ی ئیتحادی سعودی كرد.
