یاریگا –
تادێت وردەکاری و نهێنی زیاتر لەسەر پەیوەندی نێوان کیلیان ئێمباپێ و هەڵبژاردەی فەڕەنسا ئاشکرا دەبێت.
رۆژنامەی لیکیپ بڵاویکردووەتەوە، دوای لەدەستدانی نازناوی یۆرۆی 2024، ئێمباپێ زۆر نیگەرانبوو و ویستی بۆ ماوەیەک دووربکەوێتەوە.
لە دوای پەیوەندیکردنی بە ریال مەدرید، ئێمباپێ نیازی رەتکردنەوەی یاریی بۆ هەڵبژاردەی فەڕەنسا لە نەیشنزلیگ (مانگی سێپتێمبەر/ئەیلوول)ی رابردوو هەبوو.
رۆژنامەکە روونیکردووەتەوە، بەر لە دەستپێکردنی یارییەکانی نەیشنزلیگ، ئێمباپێ پەیوەندی بە دیدیێ دیشان کردووە و پێی گوتووە، بانگهێشتی یارییەکانی بەرامبەر ئیتاڵیا و بەلجیکای نەکات.
🚨 En septembre, Kylian Mbappé a téléphoné à Didier Deschamps pour lui demander de ne pas faire appel à lui ! 🇫🇷📞
Sous la pression de son père et de sa mère, il a finalement honoré la sélection.
Un mois plus tard, le joueur, officiellement blessé, mais pourtant en mesure de… pic.twitter.com/6vOxF0Vyjz
— Actu Foot (@ActuFoot_) October 31, 2024
بەگوێرەی زانیارییەکانی رۆژنامەی لیکیپ بێت، لەژێر فشاری دایک و باوکی، ئێمباپێ رازیبووە پەیوەندی بە کەمپی مەشقی هەڵبژاردەی فەڕەنساوە بکات.
مانگێک دوای ئەم رووداوە، ئێمباپێ بە بیانووی پێکانەوە، بانگهێشتی هەڵبژاردەی فەڕەنسا نەکرا، کەچی بەشداری لە یارییەکانی ریال مەدرید کرد و شەوێکیش بۆ بەشداریکردن لە ئاهەنگێک، چووە ستۆکهۆڵم، پایتەختی سوێد.
