یاریگا –
پیپ گواردیۆلای ئیسپانی، راهێنەری یانەی مانچێستەر سیتی، هۆکاری یاریی پێنه‌كردنی هالاندی هێرشبه‌ری یانه‌كه‌ی به‌رامبه‌ر تۆتنهام له جامی ئینگڵته‌را ئاشكرا ده‌كات.
له جامی ئینگڵته‌را مانچێسته‌ر سیتی (2-1) به تۆتنهام دۆرا و ماڵئاوایی له پاڵه‌وانه‌تیه‌كه كرد و پێپ گواردیۆلا هالاندی له‌سه‌ر كورسی یه‌ده‌گ داناو به‌شداری یارییه‌كه‌ی نه‌كرد.
گواردیۆلا لە میانی لێدوانەکانیدا بۆ تۆڕی سکای سپۆرتی ئینگلیزی له باره‌ی یارینه‌كردنی هالاند گوتی، بابەتەکە زۆر سادەیە، پلانەکە ئەوە بوو کە هالاند بەشداری ئەم یارییە نەکات.
🚨🔵 Guardiola on Erling Haaland not playing for Man City vs Spurs: “It’s quite simple… the plan was for him not to play this game”.
“He’s played a lot of minutes, we knew for this week we’ve no recovery and not much players and I didn’t want to waste energy for him”, told Sky. pic.twitter.com/9WPArwuvAJ
— Fabrizio Romano (@FabrizioRomano) October 30, 2024
پیپ گواردیۆلای ڕاهێنەری مانچێسته‌ر سیتی راشی گه‌یاند، پێم باش بوو یارییەکە بە پێکهاتەیەک دەست پێبكه‌ین کە کۆمەڵێک یاریزانی لاو ده‌رفه‌تی یاریكردنیان پێبدرێت، به‌شێك له ئه‌ستێره‌كانی یانه‌كه پشوو وه‌رگرن چونكه خشته‌ی یارییه‌كان قه‌ڵه‌باڵغن.
ئاماژەی بەوەشکرد، هالاند خولەکێکی زۆری یاریی کردووە، دەمانزانی ئەم هه‌فته‌یه گرنگ ده‌بێت بۆ ئێمه، بەو ژمارە کەمەی یاریزانانەش نەمدەویست وزەی ئەو یاریزانە تەواو بکەم.
