یاریگا –
سەرچاوەیەکی باوەڕپێکراو هەوڵێکی شکستخواردووی مانچێستەر یونایتد بۆ رازیکردنی فرانکی دی یۆنگ ئاشکرا دەکات.
ماوەیەکی زۆرە یونایتد خواستیان لە گواستنەوەی دی یۆنگ هەیە بۆ رێکخستنی هێڵی ناوەند. بەڵام ئەستێرە هۆڵەندیەکە رێگەکانی لێ داخستوون و ئارەزووی مانەوەیەتی لە بارسێلۆنا بۆ ماوەیەکی زیاتر.
بەگوێرەی زنیارییەکانی تەلەگرافی ئینگلیزی، ساڵی 2022 یانە ئینگلیزیەکە ڤیدۆیەک بۆ فرانکی دەنێرن کە تێیدا هاوشانی ئەستێرەکانی مانچێستەر کلیپیان بۆ کراوە و وەک ئەفسانەی داهاتوو وێنایان کردووە تا لەو رێگەیەوە بتوانن رازی بکەن رووبکاتە ئۆڵدترافۆرد.
لە درێژەی زانیارییەکانی ئەو سەرچاوەیەدا، کە تا رادەیەکی زۆر بەشە سەرنجڕاکێشەکەیەتی، ئەوە بڵاوکراوەتەوە کە تەنانەت دی یۆنگ تەماشای ڤیدیۆ کلیپەکەشی نەکردوون!
ئەوە هەڵوێستی ئەوکاتی ناوبراو بووە، بەڵام ئێستا بارودۆخەکە گۆڕاوە و دەرکەوتنی ئەستێرەی درەوشاوەیتر لە هێڵی ناوەندی بلاوگرانا، پێکانە لەسەریەکەکانی فرانکی و هەروەها مووچە زۆر بەرزەکەی کە لە هەر یاریزنێکی دیکەی هێڵی ناوەند زیاترە، رەنگە ئاراستەی بابەتەکە پێچەوانە بکاتەوە. بەوپێیەی کۆتا جار بارسا هەوڵیدابێ گرێبەستەکەی کە 2026 بەو جۆرەی خۆیان دەیانەوێ، بۆ نوێ بکرێتەوە، بەڵام دیۆنگ وەڵامی روونی نەداونەتەوە.
