یاریگا –
مانچێستەر یونایتد نزیکن لە یەکلاکردنەوەی وردەکارییەکان لەگەڵ روبێن ئامۆریم بۆ دەستنیشانکردنی ناوبراو وەک راهێنەری نوێ.
بەر لە هاتنی ئامۆریم، یاریزانانی مان یونایتد هۆشداری پێشوەختی پێدراوە لەسەر سروشت و کەسایەتی و تایبەتمەندیەکانی راهێنەرەکەی پۆرتوگالیەکە.
سکای سپۆرتس زانیویەتی کە بە یاریزانانی یونایتد وتراوە چاوەڕێی هاتنی راهێنەرێکی توند بکەن، راهێنەرێک کە لێبوردنی نیە بەرامبەر خۆپەرستیی، رێگە بە فەرمان بەسەرکردندا نادات، کەسێکی پڕداخوازیە له رهێنانەکاندا و هەرزوو دەستبەرداری هەرکەسێ دەبێ رێز لە یاساکان نەگرێ.
🚨 Manchester United’s players have been warned to expect an extremely strict coach who does not tolerate egos, who will not let himself be pushed around, who is very demanding in training and who will get rid of anyone who does not respect the rules.
(Source: @SkyKaveh) pic.twitter.com/19oSgIL1gP
— Transfer News Live (@DeadlineDayLive) October 30, 2024
راهێنەرە پۆرتوگالیەکە کە ماوەی چوار ساڵە سەرپەرشتی سپۆرتینگی وڵاتەکەی دەکات، توانیویەتی بەهۆی ئەنجام و دەستەکەوتەکانیوە ببێتە مایەی گرنگیپێدانی یانە گەورەکانی کیشوەرەکە. ناوبراو لەو ماوەیەدا 5 نازناوی بۆ سپۆرتینگ بردووەتەوە، لەنێویاندا 2 نازناوی خولی پۆرتوگالی. ئەم وەرزەش لە 9 یاریی خولەکەدا سەرجەمیانی بردووەتەوە و بێ رکابەر پێشەنگن.
