یاریگا –
تا دێت ئاماژەکان بۆ پەیوەندیکردنی ئالێکساندەر ئاڕنۆڵدی لیڤەرپوول بە یانەی ریاڵ مەدرید روونتردەبنەوە و ئەو یاریزانە خواستی لەسەر ئەزموونێکی نوێیە.
ئاڕنۆڵد کوڕی یانەیەکەیە و لەوەتەی ساڵی 2016 وەک یاریزانی پیشەگەر درێسەکەی پۆشیوە، بەڵام ئێستا تامەزرۆی ئەزموونێکی تازەیە و بۆ ئەو ئامانجەشی ریاڵ مەدرید گەورەترین ئەگەرە.
شاهانەکانی ئیسپانیا بۆ پێگەی بەرگریکار و باڵی راستی یاریگا سوپەرستارێکی دەوێت و یەکێک لە بژاردەکانیشیان ئاڕنۆڵدە.
بەگوێرەی نوێترین زانیاریی سپۆرتی ئیسپانی، ئەو یاریزانە ئینگلیزیە چەندین ئۆفەری یانەکەی بۆ درێژکردنەوەی گرێبەستەکەی رەتکردووەتەوە.
سەرچاوەکە ئەوەسی بنووسیوە کە نیازی ئاڕنۆڵد بۆ تاقیکردنەوەی ئاڵنگاریەکی نوێی هەیە و ئێستا تەنها مەدرید هەیە خواستیان لە گواستنەوەی ناوبراودا هەبێ.
ئەوە لەکاتێکدایە ئەم هاوینە گرێبەستی یاریزانە 26 ساڵانەکە لەگەڵ لیڤەر بەسەردەچێت و تا ئێستا یانەکەی نەیتوانیوە لە مانەوەی سوپەرستارەکەی دڵنیابێتەوە.
🚨 Trent Alexander-Arnold has REJECTED many extension offers from Liverpool! 😳
His intention is to find a new challenge and Real Madrid are not the only club interested. 👀
(Source: @sport) pic.twitter.com/7exCjQ6K91
— Transfer News Live (@DeadlineDayLive) October 29, 2024
