یاریگا –
نێتفلیکس زنجیرە دۆکیومێنتارییەکی تایبەت بە خولی رۆشنی سعوودی بە ناوی ”Saudi Pro League: Kickoff” بڵاودەکاتەوە.
بڕیارە 21ی مانگی داهاتوو (نۆڤێمبەر – تشرینی دووەم) دۆکیومێنتەرییەکە بە شەش ئێپیسۆدی جیاواز بڵاوبکرێتەوە.
بەگوێرەی ترەیلەری دۆکیومنێتەرییەکە بێت، ئەستێرەکانی وەکو کریستیانۆ رۆناڵدۆ، نێیمار دا سیلڤا و کەریم بێنزێما بەشدارییان لە دۆکیومێنتەرییەکە کردووە.
لە چەند ساڵی رابردوودا، چەندین ئەستێرەی گەورەی جیهانی روویان لە یانەکانی خولی سعوودی کردووە و جیا لە تۆپی پێ، سعوودیە کار لەسەر راکێشانی سەرنجی وەرزشەکانی دیکەی وەکو تێنس، زۆرانبازی ئازاد و گۆڵف دەکات.
رووداوەکانی دۆکیومێنتەرییەکە لە وەرزی 2023/24 تۆمارکراون و چەندین رووداوی سەرنجڕاکێشی تێدایە.
بەڵگەفیلمەکەی نێتفلیکس سەرنجی لەسەر یانە گەورەکانی وەکو نەسڕ، هیلال، ئیتیحاد، ئەهلی و ئیتیفاق داناوە، چونکە ئەم یانانە راستەوخۆ لەلایەن سندووقی وەبەرهێنانی گشتی سعوودیەوە پارەدار دەکرێن.
هەریەکە لە رۆناڵدۆ، بێنزێما، نێیمار، ستێڤن جێرارد، سالم دۆسەر، عەبدولڕەحمان غەریب، تەڵال حاجی و فارس برێکان و چەندین یاریزانی دیکە قسەی تێدا دەکەن.
