ئارتێتا دەستبەرداری ئامانجەکانی نەبووە و ساکا هەموو شتێک لەپێناو یارییەکە دەکات

یاریگا –

میکێل ئارتێتا، راهێنەری ئارسیناڵ سەرەڕای یەکسانبوونی بەرامبەر لیڤەرپوول لە یاریگای ئیمارات، شانازی بە یاریزانانی دەکات.

لە یاریی لووتکەی گەڕی نۆیەمی پرێمەرلیگ، ئارسیناڵ و لیڤەرپوول 2-2 یەکسانبوون و بەمەش گەنەرز پێنج خاڵ لە پێشەنگایەتی دوورکەوتەوە.

ئارتێتا هۆکاری سەرەکی یەکسانبوونی تیمەکەی بۆ زۆری پێکانی یاریزانەکانی گەڕاندەوە، لە هەمان کاتدا شانازییان پێوە دەکات

دەبێ خۆمان بگونجێنین و لە خۆگونجاندن بەردەوام بین. دەبێ وەکو هاندەر و یانە پاڵپشتی یاریزانان بکەین، چونکە ئەم پاڵپشتییە رۆڵێکی باڵا دەگێڕێت.

خاڵێکی ئەرێنی یارییەکە، گەڕانەوە بوکایۆ ساکا بوو بۆ پێکهاتەی سەرەکی، ئەمەش دوای بەشداری نەکردنی لە دۆڕانی یاریی گەڕی رابردوو بەرامبەر بۆرنمس.

لەدوای یارییەکە ساکا ئەم قسانەی بۆ سکای سپۆرتس کرد

تەنیا ئەم یارییەم لە خەیاڵی خۆم دانابوو، هەموو شتێکم کرد، تاوەکو بەشداری لەم یارییەدا بکەم.

ئارسیناڵ بە کۆکردنەوەی 18 خاڵ لە پلەی سێیەمدا دێت، لیڤەرپوول بە 22 خاڵ پلەی دووەمە و مان سیتیش بە 23 خاڵ پێشەنگە.