یاریگا –
یانەی ریال مەدریدی ئیسپانی بەیاننامەیەكی فەرمی دوای رووداوەكانی كلاسیكۆ بڵاوكردەوە.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری بارسێلۆنای كرد و یارییەكەشی بە ئەنجامی چوار گۆڵی بێ وەڵام لە بەرژەوەندی یانەی میوان كۆتاییهات، لە میانی یارییەكانی گەڕی یازدەی لالیگای ئیسپانیا.
Comunicado Oficial.#RealMadrid
— Real Madrid C.F. (@realmadrid) October 27, 2024
لە بەیاننامەكەی ریال مەدریددا هاتووە:
یانەی ریال مەدرید بە توندی سەرکۆنەی هەر هەڵسوکەوتێکی رەگەزپەرستی و رق و کینە لە تۆپی پێ دەکات. زۆر لە سووکایەتی پێکردنی بەشێک لە هاندەران نیگەرانین.
ریال مەدرید لێکۆڵینەوە لە رووداوەکە دەستپێکردووە، تاوەکو ناسنامەی بکەرانی ئەم سووکایەتیپێکردنە نیگەرانکەرە دەستنیشان بکرێت، تاوەکو رێکاری تەمبێکاری و یاسایی پێویست بگیرێتەبەر.
ریال مەدرید بە كۆكردنەوەی 24 خاڵ لە ریزبەندی دووەمی لالیگا دێت و بە جیاوازی شەش خاڵ لە دوای بارسێلۆنای پێشەنگەوەیە.
