یاریگا –
میکێل ئارتێتا راهێنەری ئارسناڵ داوای لە ياريزانانى تیپه‌كه‌ی کرد،له یارییه‌كه‌یان به‌رامبه‌ر لیڤه‌رپوول ئارەزووی سەرکەوتن نیشان بدەن.
گەنەرز بۆ ئه‌م یارییه له توانای چه‌ند یاریزانێكی بێ به‌ش ده‌بێت مارتن ئۆدیگارد و ویلیام سالیبای بەرگریکار بەهۆی پێکانە و سڕکردنەوە لە یارییەکەدا ئامادە نابن، هاوکات گومان لە بەشداریکردنی بوکایۆ ساکا و یۆرن تێمپێر و ریکاردۆ کالافۆری ده‌كرێت.
له‌باره‌ی یارییه‌كه ئارتێتا گوتی، كۆمه‌لێك یاریزنانمان له یارییه‌كه ئاماده نابن به‌ڵام ده‌بێت به‌رده‌وامبین له كاركردن و هێزی خۆمان نیشان بده‌ین و ده‌بێت توانا و حه‌زی سه‌ركه‌وتنی خۆمان ده‌ربخه‌ین، ئەمەش دەرفەتێکە بۆ یاریزانه‌كانی دیكه، هەروەها دەرفەتێکە بۆ ئێمە وەک تیمێک بۆ گه‌ڕانه‌وه بۆ نێو ركابه‌رییه‌كه.
🎥 1 minute and 12 seconds of Mikel Arteta being a mentality monster during his press conference today. 🤩pic.twitter.com/3pdQiuYXXi
— DailyAFC (@DailyAFC) October 25, 2024
له‌باره‌ی پێكانی یاریزانه‌كانی راهێنه‌ره ئیسپانیه‌كه گوتی، کاتێک سەرکردەیەکی تیپێکه لەدەست دەدەیت، ئەمە شتێکی گەورەیە کاتێک بەرگریکارێکی ناوەڕاست و بەرگریکاری راست و چەپ و هێرشبەرێک و یاریزانێکی باڵ لەدەست دەدەیت، كاریگه‌ری ده‌بێت، گرنگترین شت ئەوەیە کە لە رووی دەروونییەوە خۆمان لەگەڵ ئه‌و دۆخه بگونجێنین، ده‌بێت ئه‌و باوه‌ره‌مان هه‌بێت، لەگەڵ ئامادەنەبوونی ئه‌وانیش، هێشتا تیپێکی گەورەین و ده‌توانین بردنه‌وه تۆماربكه‌ین.
“We’ll have to wait and see” 🧐
Mikel Arteta refuses to rule out Saka, Calafiori and Timber for Arsenal’s game with Liverpool! 💢pic.twitter.com/vxpWqRi0m9
— Sky Sports Premier League (@SkySportsPL) October 25, 2024
له كۆتاییدا گوتی، لیڤه‌رپوول له‌گه‌ڵ ئارنێ سڵۆت زۆر باش ده‌ستی پێكردووه، بۆ ئێمه یارییه‌كه قورسه، به‌ڵام ئێمه ده‌مانه‌وێت بردنه‌وه تۆماربكه‌ین و داواش له یاریزانه‌كان ده‌كه‌م، به جۆش و خرۆشه‌وه به‌شداری له یارییه‌كه بكه‌ن و هه‌موو هه‌ولێكیان بده‌ن بۆ ئه‌وه‌ی له یارییه‌كه براوه‌بین.
