یاریگا –
دهۆک لە یاریگای خۆی میوانداری کارەبا دەکات و دەیەوێت هەشتەم سەرکەوتن بەرامبەر ئەو یانەیە تۆمار بکات.
لە دوایین رۆژی گەڕی چوارەمی خولی ئەستێرەکانی عێراق، کاتژمێر 5:15ـی ئێوارە دهۆک لە یاریگای خۆی رووبەرووی کارەبا دەبێتەوە، دهۆک بە تەواوی یاریزانەکانی بۆ یارییەکەی ئەمڕۆ ئامادەیە و تیپەکەی وەلی کەریمی راهێنەری کارەباش تا ئێستا هیچ شکستێکی نیە لە خولەکە.
دهۆک و کارەبا لە مێژووی خۆیاندا 17 یاریی فەرمیان بەرامبەر یەکتر کردووە، دهۆک حەفت یاریی بردۆتەوە و کارەباش لە چوار یارییدا براوە بووە و لە شەش یارییشدا یەکسان بوونە، دهۆک 26 گۆڵی تۆمار کردووە و کارەباش 19 گۆڵی لە دهۆک کردووە، لە یەک یاریی جامی عێراقیش بەرامبەر یەکتر یارییان کردووە و دهۆک 3 _ 0 سەرکەوتنی بە دەستهێناوە.
ئەنجامەکانی دهۆک لە خولی ئەستێرەکانی عێراق هاندەرانی نیگەران کردووە بە جۆرێک دهۆک لە سێ یاریی رابردوودا دوو شکست و سەرکەوتنێکی هەیە و لە ریزبەندی 15ـەم دێت و سێ خاڵی هەیە، کارەباش دوو یەکسان بوون سەرکەوتنێکی هەیە بە 5 خاڵ لەریزبەندی 10ـەمی خولەکە دێت.
پرسیار عەبدولڕەزاق لە ریزی دەستەی راهێنەرانی کارەبایە، پرسیار یاریدەدەری وەلی کەریمی راهێنەره کە سێ وەرزی رابردوو لە نەورۆز بە یەکەوە کاریان کردووە.
