یاریگا –
راپۆرتە رۆژنامەوانیەكان ئاشكرایانكرد، یانەی مانچێستەر یونایتدی ئینگلیزی دەیەوێت ئالفۆنسۆ دەیڤز ئەستێرەی كەنەدی یانەی بایرن میونشنی ئەڵمانی بگوازێتەوە ریزەكانی.
ئالفۆنسۆ دەیڤز لە هاوینی ساڵی 2018 لە ریزەكانی ڤانكۆڤەر بە بەهای 14 ملیۆن یۆرۆ پەیوەندی بە ریزەكانی بایرن میونشن كردووە و گرێبەستەكەی لەگەڵ ئەو یانەیە لە هاوینی ساڵی داهاتوو بەسەردەچێت.
ناوی ئالفۆنسۆ دەیڤز بە ریال مەدریدەوە بەستراوەتەوە و یانە شاهانەكە دەیەوێت لە دوای تەواو بوونی گرێبەستەكەی بە خۆڕایی بیگوازێتەوە یانەكەی.
🚨🔴 Manchester United’s interest in Alphonso #Davies is becoming more concrete ✔️#MUFC have been gathering extensive information on Davies for several days. The 23y/o would be a desired transfer for the vacant left-back position, as recently revealed.
In recent months,… pic.twitter.com/khmCGnwbsM
— Florian Plettenberg (@Plettigoal) October 25, 2024
بە گوێرەی زانیارییەكانی سكای سپۆرت, مانچێستەر یونایتد خواستی لەسەر گواستنەوەی ئالفۆنسۆ دەیڤزە و دەیەوێت لە هاوینی داهاتوودا بیگوازێتەوە ریزەكانی.
ئاماژە بەوەشكراوە، مانچێستەر یونایتد زانیاری بەرفراوانی لەسەر دەیڤز كۆكردووەتەوە، ئەو یاریزانە لاوە دەبێتە ئامانجی یانەكە.
لە كۆتاییدا ئەوەش ئاشكرا كراوە، لە چەند مانگی رابردوودا مانچێستەر یونایتد بە شێوەیەكی نافەرمی قسەی لەگەڵ دەیڤز كردووە و هیچ گفتوگۆیەكی نوێ بۆ نوێكردنەوەی گرێبەستەكەی لەگەل یانە ئەڵمانییەكەدا نییە و چاوەڕوان دەكرێت هاوینی داهاتوو ریزەكانی بایرن جێبهێڵێت.
لەم وەرزەدا دەیڤز بەشداری لە 10 یاریدا كردووە و توانیویەتی یەك گۆڵ درووست بكات.
