یاریگا –
ئێدین تێرزیچ ئامادەیە بۆ گفتوگۆ لەبارەی وەرگرتنی پۆستی راهێنەرایەتی یانەیەکی پرێمەرلیگ و چاوەڕیی پێشهاتەکان دەکات.
تێرزیچ کە ئەم هاوینە بەهۆی کێشەیی ناوخۆییەوە لە یانەی دۆرتمۆند دوورکەوتەوە، توانی زەردەواڵەکان بگەیەنێتە یاریی کۆتایی چامپیۆنزلیگ و رووخسارێکی کێبڕکێکاری بەو یانەیە بەخشی بوو لەو پاڵەوانێتیە. بەڵام لە بۆندسلیگا ئاستیان وەک پێویست نەبوو کە دواجار ناکۆکی کەوتە نێوانیانەوە لەگەڵ ماتس هەمڵسی یاریزانی یانەکە و دواجار بە رۆشتن راهێنەرەکە کۆتایی هات.
بەگوێرەی نوێترین زانیاریی فلۆریان پلێتنبێرگی رۆژنامەنووس لە سکای ئەڵمانیا، ئێدین ئێستا ئامادەیە بۆ گفتوگۆ لەگەڵ یانەی وێستهام و وەرگرتنی پۆستی راهێنەرایەتی یانە لەندەنیەکە لە باری دوورخستنەوەی جولیان لوپیتیگی.
ئەنجامەکانی هامەرز لەژێر سەرەرپەرشتی لوپیتیگی لە خراپەوە بۆ خراپتر دەچێت و لە هەشت یاریی پرێمەرلیگدا تەنها 8 خاڵیان کۆکردووەتەوە و لە پلەی 15 دێن.
ناوبراو ئەزموونی کارکردنی لە پرێمەرلیگ و لەگەڵ خودی یانەی وێستهامیشدا هەیە کاتێک لە 2015-2017 یاریدەری راهێنەر بوو لەو یانەیە.
🚨⚒️ Former BVB coach Edin #Terzic is a candidate in case West Ham United decide to replace manager Julen Lopetegui ✔️
The 41y/o has a good reputation at #WHUFC, where he worked from 2015-2017 as assistant coach under Slaven Bilic.
Terzic is open to a new challenge and has also… pic.twitter.com/PrWGrpwWqO
— Florian Plettenberg (@Plettigoal) October 22, 2024
بە وەرگرتنی پۆستەکەی وێستهام، تێرزیچ دەبێتە دووەم راهێنەری ئەڵمانی لەم وەرزەی پرێمەرلیگ لەپاڵ فابیان هورزلەری راهێنەری ئێستای برایتن.
