یاریگا –
چابی ئالۆنسۆ له هاوینی داهاتوو بایر لیڤەرکوزن جێده‌هێلێت و بایرلیڤه‌ركوزنیش به‌دوای شوێنگره‌وه‌ی ده‌گه‌رێت.
تۆڕی هەواڵی سکای سپۆرت ئاشکرایکردووە، ئالۆنسۆی تەمەن 42 ساڵ و راهێنه‌ری بایرلیڤه‌ركوزن به‌ربژێره بۆ راهێنەرایەتیكردنی ریاڵ مەدرید یان مانچێستەر سیتی ئینگلیزی.
💥 #Exclusiva de @eduardoinda en @elchiringuitotv
👉 El Manchester City sondea a Xabi Alonso para sustituir a Guardiola
📌 https://t.co/3RAeCc0cMY pic.twitter.com/oC12ReygO4
— okdiario.com (@okdiario) October 22, 2024
هه‌مان سه‌رچاوه باسی له‌وه‌كردووه، یانه‌ی مانچێسته‌ر سیتی ده‌یه‌وێت پێش ئه‌وه‌ی ریال مه‌درید هه‌نگاو به‌ره‌و گرێبه‌ستی ئالۆنسۆ بنێت، بۆ شوێنگره‌وه‌ی گواردیۆلا گرێبه‌ستی له‌گه‌ڵ بكات.
گرێبەستی ئالۆنسۆ لەگەڵ لیڤەرکوزن لە ساڵی 2026 کۆتایی دێت، بەڵام كارگێری یانەکە لە ئێستاوە بەدوای جێگرەوەی ده‌گه‌رێت.
بەپێی هەواڵێکی ماڵپەڕی سکای سپۆرت، سێباستیان هۆنیس، راهێنەری یانەی شتوتگارتی ئەڵمانیا و ساندرۆ ڤاگنەر، یاریدەدەری راهێنەری هەڵبژاردەی ئەڵمانیا، دیارترین پاڵێوراون بۆ راهێنەرایەتی لیڤەرکوزن.
Bayer Leverkusen are preparing for Xabi Alonso’s departure next summer. Alonso is a candidate at Real Madrid and Manchester City. The English club is showing concrete interest and preparing for the possibility that Pep Guardiola leaves next summer. Liverpool are out of the race… pic.twitter.com/osRHrB0UQN
— WerkselfXtra (@bayer04Xtra) October 21, 2024
هەروەها ئاماژە به‌وه‌شكردووه، ئالۆنسۆ لە ئەگەری رۆیشتنی کارلۆ ئانچیلۆتی ئیتاڵی کە گرێبەستەکەی لە مانگی حوزەیرانی 2026 کۆتایی دێت، پۆستی ڕاهێنەری یانەی ریاڵ مەدرید وەرده‌گرێت.
