بۆچی یاریزانانی بۆڕووسیا دۆرتموند لە سانتیاگۆ بێرنابیۆ راهێنانیان نەکرد؟
پێشتر نووری شاهین بڕیاری دابوو
یاریگا –
لە ترسی سیخوڕیکردن و ئاشکرابوونی پلانەکانیان، یاریزانانی بۆڕووسیا دۆرتموند لە سانتیاگۆ بێرنابیۆ راهێنانەکانیان نەکرد.
رۆژنامەی بێلدی ئەڵمانی ئاشکرایکردووە، یاریزانانی بۆڕووسیا دۆرتموندی ئەڵمانی لە ترسی ئاشکرابوونی پلان و تەکتیکەکانیان لە یاریگای سانتیاگۆ بێرنابیۆ مەشق و راهێنانیان نەکرد، بەڵکو لە ئەڵمانیا دوای ئەوەی دوایین مەشقیان کرد ئینجا گەشتی مەدریدیان کرد.
سەرەڕای دەنگۆیەکانی میدیاکان و بڵاوبوونەوەی هەواڵەکە، نووری شاهین راهێنەری بۆڕووسیا دۆوتموند لە کۆنگرەی رۆژنامەوانی پێش یارییەکەیان رەتیکردەوە لە ترسی ئاشکرابوونی پلانەکانیان لە سانتیاگۆ بێرنابیۆ راهێنانیان نەکردبێت.
Borussia Dortmund players at the Bernabéu. 🏟️ pic.twitter.com/JbGcN9P9HD
— Madrid Xtra (@MadridXtra) October 21, 2024
بەڵام شەوی رابردوو یاریزانانی دۆرتمۆند چوونە سانتیاگۆ بێرنابیۆ بۆ ئەوەی هەست بە کەشوهەوای یاریگاکە و بارودۆخی یاریگاکە بکەن، روون بوو کە سەریان سوڕما لە گەورەیی و سەرنجڕاکێشی یاریگا تازە نۆژەن کراوەکە، کە زۆرێک بە جوانترین یاریگاکانی جیهانی دادەنێن.
“Bro touch some grass” 🦶 pic.twitter.com/2KZHGky1jx
— Borussia Dortmund (@BlackYellow) October 21, 2024
نۆژەنکردنەوەی ئەم یاریگایە تێچووی زۆر بوو، بەڵام ئەو قازانجەی کە بەهۆی بەکارهێنانی ئاسانکارییە جیاواز و بەرفراوانەکەیەوە بۆیان دەهێنێ، بەم زووانە قەرەبووی ئەم تێچووە زەبەلاحە دەکاتەوە.
ئەمشەو لە قۆناخی خولی چامپیۆنزلیگ، ریال مەدرید و بۆڕووسیا دۆرتموند لە یاریگای سانتیاگۆ بێرنابیۆ بەیەک دەگەن و یاریی کۆتایی وەرزی رابردوو دووبارە دەکەنەوە.
