یاریگا –
دەنگۆکان بەدرۆدەخرێنەوە و دەیڤد ئەلابا هەرگیز بیری لە وازهێنان نەکردووەتەوە.
رۆژنامەنووسی تۆڕی سکای ئەڵمانیا فلۆریان پلەیتنبێرگ بڵاویکردووەتەوە، دەیڤد ئەلابای ئەستێرەی ریال مەدرید هەرگیز بیری لە وازهێنان لە یاریکردن نەکردووەتەوە و دەنگۆکانی وازهێنانی ناڕاستن.
هەر بەگوێرەی زانیارییەکانی رۆژنامەنووسە ئەڵمانییەکە، ئەلابا بە سەختی کار بۆ گەڕانەوەی دەکات. پێشبینی دەکرێت یاریزانەکە بتوانێت لە نیوەی دووەمی ئەم وەرزە بۆ یاریکردن بگەڕێتەوە و بەتەواوی ئامادەبێت.
🚨⚪️ David #Alaba is continuing to work intensively on his comeback!
Been told he is aiming to return to playing for @realmadrid by the second half of the season at the latest.
Currently, he feels good, and thoughts of retirement were never an issue. Alaba is optimistic about… pic.twitter.com/m5WNnaDq9P
— Florian Plettenberg (@Plettigoal) October 21, 2024
بەرگریکارە تەمەن 32 ساڵانییەکە لە 18ـی دێسێمبەری ساڵی رابردووەوە بەهۆی پچڕانی بەستەرەکانی ئەژنۆی لە یاریکردن دابڕاوە، بەهۆی زۆری تەمەنی درەنگتر لە وادەی خۆی لە پێکانەکەی چاکدەبێتەوە.
هەر بەهۆی نەگەڕانەوەی لە وادەی دیاریکراو، گومان دەکرا یاریزانەکە جارێکی دیکە نەتوانێت یاریی بکات و هاوشێوەی رافایێل ڤارانی فەڕەنسی بڕیاری وازهێنان لە یاریکردن بدات. بەڵام یاریزانەکە خۆی بەدەستەوە نەداوە و دەیەوێت بەردەوامبێت.
ئەستێرە نەمساییەکە لە هاوینی 2021 دوای کۆتایی هاتنی گرێبەستەکەی لەگەڵ بایرن میونشن بە گرێبەستێکی ئازاد پەیوەندی بە لۆس بلانکۆس کرد.
