یار
كارلۆ ئانچێلۆتی ئیتاڵی و راهێنەری یانەی ریال مەدریدی ئیسپانی دڵخۆشی خۆی بە بردنەوەكەیان لە سێلتا ڤیگۆ دەربڕی.
شەوی رابردوو سێلتا ڤیگۆ لە یاریگای خۆیدا میوانداری ریال مەدریدی كرد و یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات.
كیلیان ئێمباپێ لە خولەكی 20 گۆڵی یەكەمی مەدریدی كرد و لە خولەكی 51 سوێدبێرگ ئەنجامەكەی بۆ سێڵتا یەكسان كردەوە و لە خولەكی 66 ڤینیسیۆس جونیۆر گۆڵی دووەم و بردنەوەی مەدریدی كرد.
🏁 @RCCelta 1-2 @RealMadrid
⚽ 20′ @KMbappe
⚽ 51′ Swedberg
⚽ 66′ @ViniJr#CeltaRealMadrid | @emirates pic.twitter.com/68CRFCpczd— Real Madrid C.F. (@realmadrid) October 19, 2024
لە دوای یارییەكە كارلۆ ئانچێلۆتی گوتی:
كاتێک سێڵتا ڤیگۆ یەكسانی كردەوە، پێموابوو دەبێت گۆڕانكاری بكەم، گۆڕانكارییە نوێیەكان وزەی نوێ بەتیمەكە دەبەخشن.
دوو گۆڵی نایابمان كرد، لە ماوەی پشووەكانیاندا بە باشی راهێنانیان كردووە و دەبێت بەردەوام بین.
راهێنەرایەتیكردنی مۆدریچ و كاركردن لەگەڵیدا شانازییەكی گەورەیە، ئەوەی توانیوویەتی بەدەستیهێناوە ئەو یاریزانێكی پیشەگەری گەورەیە و پیاوێكی ئاست بەرزە، ریال مەدرید بەختەوەرە ئەو یاریزانەی هەیە.
ریال مەدرید بە كۆكردنەوەی 24 خاڵ لە ریزبەندی دووەمی لالیگا دێت.
