یاریگا –
بەشێوەیەکی فەرمی فێرمین لۆپێز بۆ مەشقەکانی بارسێلۆنا گەڕایەوە.
یانەی بارسێلۆنا بەفەرمی پشتڕاستی کردووەتەوە، فێرمین لۆپێزی ئەستێرەی لاوی یانەکە بەتەواوی لە پێکانەکەی چاکبووەتەوە و گەڕاوەتەوە مەشقە بە کۆمەڵەکانی تیپەکەی.
یاریزانە تەمەن 21 ساڵانییەکە لە 17ـی ئەیلوولەوە بەهۆی پێکان لە ماسولکەی رانی لە یاریکردن دابڕاوە، بەڵام ئێستا بۆ یاریکردن ئامادەیە و دەتوانێت بەشداری یارییەکەی بەرامبەر سێڤییا بکات، کە 20ـی ئەم مانگە لە یاریگای مۆنجویک بەڕێوەدەچێت.
🚨🔵🔴 Barcelona confirm Fermín López has recovered from his injury and he’s back in team training.
Green light imminent also for Dani Olmo. pic.twitter.com/mZtZ9XMa6D
— Fabrizio Romano (@FabrizioRomano) October 14, 2024
هاوکات دانی ئۆلمۆی ئەستێرەی نوێی یانەکەش لە گەڕانەوە نزیکە، بەمزووانە بارسا رووناکی سەوزی بۆ هەڵدەکات و دەگەڕێتەوە مەشقە بە کۆمەڵەکان. جیا لە ئۆلمۆ، پابلۆ گاڤی سێیەم یاریزانە لە گەڕانەوە نزیکە و پێشبینی دەکرێت لەم رۆژانەدا رووناکی سەوزی بۆ هەڵبکرێت.
بە گەڕانەوەی ئەو سێ یاریزانە، هانزی فلیک پێکهاتەیەکی تۆکمەتری لە بەردەستدا دەبێت و دەتوانێت بەشێوەیەکی باشتر کێبڕکێی بەدەستهێنانی سەرجەم نازناوەکانی ئەم وەرزە بکات.
Gaviiiii 🫠🥰 pic.twitter.com/5YPWkPfKTE
— FC Barcelona (@FCBarcelona) October 13, 2024
