یاریگا –
ترێنت ئالێكساندەر ئارنۆڵد ئەستێرەی هەڵبژاردەی ئینگلتەرا و یانەی لیڤەرپوولی ئینگلیزی گرەوێک لە جاك گرێلیشی هاونیشتیمانی و ئەستێرەی مانچێستەر سیتی ئینگلیزی دەباتەوە.
شەوی رابردوو فینلاند لە یاریگای خۆیدا میوانداری ئینگلتەرای كرد و یارییەكەش بە ئەنجامی سێ گۆڵ بەرامبەر گۆڵێك لە بەرژەوەندی هەڵبژاردەی میوان كۆتایی هات، لە میانی یارییەكانی گەڕی چوارەمی خولی نەتەوەكانی ئەوروپا.
😮💨🏴 Jack Grealish: “I told Trent before the free kick; I’ll give you 500 quid if you score this”.
“And then he’s gone and slapped it in the top bins!”, told @itvfootball. pic.twitter.com/EpWDTspP3w
— Fabrizio Romano (@FabrizioRomano) October 13, 2024
گۆڵەكانی سێ شێرەكان لەلایەن جاك گرێلیش لە خولەكی 18 و ئالێكساندەر ئارنۆڵد لە خولەكی 74 و دێكلان رایس لە خولەكی 84 تۆمار كران.
لە دوای یارییەكە جاک گرێلیش گوتی:
پێش لێدانە راستەوخۆیەكە بە ئارنۆڵدم گوت ‘ 500 پاوەندت پێ دەدەم ئەگەر ئەو گۆڵە بكەیت، ئەویش تۆپەكەی خستە گۆشەی سەرەوە ‘.
ئارنۆڵد چوارەم گۆڵی خۆی لە كاروانی وەرزشیدا بە درێسی هەڵبژاردەی ئینگلتەراوە كردووە لەوەتەی ساڵی 2018یەكەم یاری بۆ هەڵبژاردەكەی كرد.
هەڵبژاردەی ئینگلتەرا بە كۆكردنەوەی 9 خاڵ لە ریزبەندی دووەمی كۆمەڵەكەی دایە و بە جیاوازی سێ خاڵ لە دوای یۆنانی پێشەنگەوەیە.
