یاریگا –
خوسێ لویس دێلا فوێنتێی، راهێنەری هەڵبژاردەی ئیسپانیا شوێنگرەوەی لامین یامال ئەستێرەی هەڵبژاردەكەی بانگهێشت دەكات.
لە یاری رابردووی هەڵبژاردەی ئیسپانیا بەرامبەر دانیمارك لامین یامال 90 خولەک یاری كرد و دواتر گۆڕانكاری پێكرا و لە كاتی چوونە دەرەوەدا لامین بە شەلینەوە بینرا، بەو هۆیەوە ئیسپانیا مۆڵەتی پێدا کامپی هەڵبژاردەکە جێبهێڵێت و بگەڕێتەوە بۆ بارسێلۆنا.
🇪🇸 Rodrigo Riquelme, convocado por la @SEFutbol para el duelo ante Serbia de la #NationsLeague 💪 pic.twitter.com/LvO1x9GBWD
— Atlético de Madrid (@Atleti) October 13, 2024
دێلا فوێنتێ لە جێگای لامین یامال بانگهێشتی رۆدریگۆ ریكێلمی ناوەڕاستكاری یانەی ئاتلێتیكۆ مەدریدی ئیسپانی كردووە.
بە گوێرەی زانیارییەكانی رۆژنامەی سپۆرت، هەڵبژاردنی ریكێلمی لەلایەن دێلا فوێنتێ جێگای سەرسوڕمانە چونكە لە نۆڤێمبەری ساڵی رابردووەوە بانگهێشتی هەڵبژاردەكەی نەكراوە.
چاوەڕوان دەكرێت سبەی سێشەممە هەردوو هەڵبژاردەی ئیسپانیا و سڕبیا رووبەرووی یەك ببنەوە، لە میانی یارییەكانی خولی نەتەوەكانی ئەوروپا.
