یاریگا –
لامین یامال کەمپی مەشق و راهێنانی ئیسپانیا بەجێدەهێڵێت و دەگەڕێتەوە بارسێلۆنا.
رۆژنامەی موندۆ دیپۆرتیڤۆی کەتەلۆنی ئاشکرایکردووە، ئەمڕۆ لامین یامال یاریزانی لاوی ئیسپانی کەمپی مەشق و راهێنانی هەڵبژاردەی ئیسپانیا بەجێدەهێڵێت و دەگەڕێتەوە بارسێلۆنا، بۆ یاریی بەرامبەر سڕبیا ئامادە نابێت، کە لە یاریی رابردووی لاڕۆخا بەرامبەر دانیمارک تووشی پێکان بوو.
میدیاکانی کەتەلۆنیا رایانگەیاندبوو، بارسێلۆنا فشاری لەسەر ئیسپانیا دروستکرد بۆ ئەوەی گڵۆپی سەوز بۆ لامین یامال هەڵبکات و سەرکێشی پێنەکات، کە لە کاتی زیادکراوی یارییەکەی دانیمارک یاریگای بەجێهێشت و دوای یارییەکە لە گرتەیەکی ڤیدیۆیی دەردەکەوێت دەشەلێت و بە ئاسایی ناڕوات.
🚨 Última hora
❗️ Las pruebas confirman la sobrecarga de Lamine Yamal, que vuelve a Barcelona
➡️ El extremo no tiene lesión pero no jugará el partido ante Serbia
✍️ @martinezferran https://t.co/5qJ9DgEUIF
— Mundo Deportivo (@mundodeportivo) October 13, 2024
موندۆ دیپۆرتیڤۆ رایگەیاندووە، یامال هیچ پێکانێکی نییە، تەنیا هەست بە ئازار دەکات، بەڵام بارسێلۆنا داوای لە دێلا فوێنتی راهێنەری ئیسپانیا کرد، لە یاریی سڕبیا یاریی پێنەکات و رەزامەندیی بدات بگەڕێتەوە بارسێلۆنا، بۆ ئەوەی چارەسەری پێویست وەربگرێت.
یاریزانە لاوە ئیسپانییەکە لە رانی چەپی تووشی کرژبوونی ماسوڵکەکانی بووە، بەڵام تاوەکو ئێستا فیدراسیۆنی تۆپی پێی ئیسپانیا و یانەی بارسێلۆنا هیچ بەیاننامەیەکیان لەبارەی پێکانەکەی لامال بڵاو نەکردووەتەوە.
