یاریزانانی ناپۆلی دزیان لێدەکرێت
یاریگا –
هەردوو یاریزانی یانەی ناپۆلی ئیتاڵی، خوان خیسوس و ماتێیۆ پۆلیتانۆ، هێرش دەکرێتە سەر و دزییان لێدەکرێت.
لە رووداوێکی سەیردا هەفتەی رابردوو دوو یاریزانی ناپۆلی دزییان لێکرا. بەپێی راپۆرتی تۆتۆ مێرکاتۆ، دزەکان لە شاری ناپۆلی سەرەتا هەوڵیانداوە ئۆتۆمبێلەکەی خوان خیسوس بدزن، بەڵام سەرکەوتوو نەبوون، دواتر توانیویانە ئۆتۆمبێلەکەی ماتێیۆ بدزن لەکاتێکدا هێرشبەرەکە لە چێشتخانەکە نانی دەخوارد، هەرچەندە ئۆتۆمبێلەکەی لەلایەن پۆلیسی ناپۆلییەوە دوای یەک رۆژ دۆزرایەوە.
لەمبارەیەوە میشێل دی باری پارێزگاری ناپۆلی لە گفتوگۆیەکدا لەگەڵ تۆتۆ مێرکاتۆ، رەتیکردەوە هێرشکردنەوە بە ئەنقەست بووبێت و لەمبارەیەوە گووتی:
ئەو رووداوانەی روویانداوە دەبێت بە وردی لێکۆڵینەوەیان لەگەڵدا بکرێت، من دژی ئەو راستییەم کە باندێک هۆکارێک لە پشت ئەم کارەوەیە خەڵکی ئەم شارە ناپۆلی و یاریزانەکانیان خۆشدەوێت.
ئەمە دەتوانێت لە هەر شارێکدا رووبدات. هەرچۆنێک بێت یاریزانانی تۆپی پێ لە رووی داراییەوە لەنێو کەسانی باڵای ئەم شارەدا هەژمار دەکرێن و سروشتییە زیاتر بەرکەوتەی ئەو جۆرە دزییانە بن.
سەرەڕای ئەوەش هێزەکانی پۆلیس و دەسەڵاتی دادوەری لەم شارە چالاکانە بەدواداچوون بۆ رووداوەکان دەکەن و دڵنیابن کە جارێکی تر شاهیدی روودانی تاوانی لەو شێوەیە نابین لە شارەکەدا.
🚨🇮🇹 Matteo Politano’s car was stolen this week outside of a restaurant. 🚗
Italian police eventually tracked down the vehicle, where it was found in a parking lot, reports @TuttoMercatoWeb.
“Unfortunately, it’s not just a problem for Naples.”, the forward said in a statement. pic.twitter.com/0oFV5Boqe7
— EuroFoot (@eurofootcom) October 11, 2024
یاریزانە باڵە تەمەن 31 ساڵەکە لەبارەی رووداوەکەوە گوتی؛
ئەوەی شەوی رابردوو ڕوویدا بەڕاستی جێگەی داخە، بەڵام بەداخەوە ئەمە کێشەیەکە نەک تەنها بۆ ناپۆلی، ئەوەی زۆر دڵتەنگم دەکات ئەوەیە کە جزدانەکەم کە لەلایەن کەسێکی زۆر ئازیزەوە پێم بەخشرابوو نەماوە بۆیە زۆر سوپاسگوزار دەبم ئەگەر بتوانرێت بۆم بگەڕێنرێتەوە.
پێشتر، دزینی کاتژمێرێک لە دەیڤید نێریس لە ئێوارەی 31ی ئابدا ڕاگەیەندرابوو، هەروەها هەوڵدان بۆ دزینی ئۆتۆمبێل لەلایەن بەرگریکار جواو خیسوسەوە لە سۆشیال میدیادا بڵاوکرایەوە.
