گەوهەرێکی بەڕازیلی بووە بە ئامانجی زلهێزێکی ئینگلتەرا
یاریگا –
لاوێکی بەڕازیلی بووەتە ئامانجی زلهێزێکی ئینگلتەرا و پلانی داهاتوویانە کە بیگوازنەوە ریزەکانیان.
بەگوێرەی زانیارییەکانی پێگەی Football Insiderی ئینگلیزی، ڤیتۆر رێیس کە ئێستا بۆ یانەی پاڵمیراسی وڵاتەکەی یاریی دەکات، بووەتە ئامانجی یانەی لیڤەرپوولی ئینگلیزی.
ناوبراو تەمەنی تازە 18 ساڵە و لە پێگەی دڵی بەرگری یاری دەکات. ئاستێکی بەرچاو لەگەڵ یانەکەی پێشکەش دەکات و لە خولی بەڕازیلی لە 11 یاریدا بەشداریکردووە و خاوەنی گۆڵێکە.
هەر بەپێی ئەو سەرچاوەیە، مەرجی هەڵوەشاندنەوەی گرێبەستی لاوەکەی پاڵمیراس خۆی دەدات لە 84 ملیۆن پاوەند.
🚨 Liverpool have earmarked Palmeiras defender Vitor Reis as a possible signing for the future. The 18-year old has a release clause of £84m. 💰🇧🇷
(Source: Football Insider) pic.twitter.com/f1cpNWLPMV
— Transfer News Live (@DeadlineDayLive) October 12, 2024
رێدز لە ئێستاوە پلان دادەنێن بۆ هێنانی یاریزانێکی دڵی بەرگری، بەوپێیەی ڤیرجڵ ڤان دایک تەمەنی روو لە هەڵکشانە و گرێبەستەکەشی لە هاوینی داهاتوو بەسەردەچێت. بەوەش رەنگە کۆتا وەرزی خۆی بەڕێ بکات لە ئانفیڵد.
