یاریگا –
ئێرلینگ هالاند بەردەوامە لە هەژاندنی تۆڕی گۆڵەکان و ئەمشەویش لەگەڵ هەڵبژاردەی وڵاتەکەی بە تۆمارکردنی دوو گۆڵ ناوی چووە مێژووەوە.
لە گەڕی سێیەمی یارییەکانی نەیشنزلیگ نەرویج و سلۆڤینیا رووبەڕووی یەکتربوونەوە و هەڵبژاردە سکەندەناڤیەکە بە سەرکردایەتی هالاند 3-0 یارییەکەی بردەوە و ئێرلینگ کە کاپتنی ڤایکینگەکان بوو توانی دوو گۆڵ تۆماربکات.
بەوەش بوو بە گۆڵکاری مێژوویی نەرویج و پێش یۆرگن یوڤێی هاونیشتیمانی دایەوە کە ئەمەیان لەنێوان ساڵانی 1928-1937 لە 45 یاریدا ئەنجامیدابوو.
ئەوەی مایەی سەرسوڕمانە، 34 گۆڵەکە هێرشبەرەکەی سیتی بە درێسی نەرویجەوە لە تەنها 36 یاریدا تۆماریکردووە. بۆیە بە ئەگەرێکی زۆرەوە ئەو ژمارە زیاتردەکات بەتایبەت کە تازە تەمەنی 24 ساڵە.
BREAKING: Erling Haaland has become Norway’s new all-time leading goalscorer with 34 goals in 36 appearances, overtaking Jørgen Juve’s record of 33 goals in 45 appearances set between 1928 and 1937. 🇳🇴 pic.twitter.com/QSWK4kbMde
— City Xtra (@City_Xtra) October 10, 2024
بۆ بیرهێنانەوە، کریستیانۆ ڕۆناڵدۆی پۆرتوگالی بە 132 گۆڵ پێشەنگی گۆڵکارانە لەسەر ئاستی هەڵبژاردە. دۆن هێشتا بەردەوامە لە یاریکردن.
