یاریگا –
رافایل نادال بەفەرمی وازهێنانی یەکجارەکی لە یاریکردن راگەیاند و چیدیکە یاریی بە تۆپە زەردەکە ناکاتەوە.
رافایل نادال تێنسزانی بەناوبانگی ئیسپانی لە هەژماری خۆی لە سۆشیاڵ میدیا لە رێگای ڤیدیۆیەکی تایبەتەوە بڕیاری وازهێنانی لە یاریکردن راگەیاندووە، تێنسزانە 38 ساڵانەکە بەیەکجاریی واز لە تێنس دەهێنێت.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
نادال کە 22 نازناوی گراندسلامی لە کاروانی وەرزشی خۆی بەدەستهێناوە، مانگی داهاتوو لە جامی دەیڤز لە مالاگا دوایین یاریی لە کاروانی وەرزشی خۆی دەکات، کە لە یاریی کۆتایی نوێنەرایەتی هەڵبژاردەی ئیسپانیا دەکات.
نادال لە پەیامە ڤیدیۆییەکەیدا دەڵێت :’من لێرەم بۆ ئەوەی پێتان بڵێم من واز لە یاریکردن دەهێنم، لە راستیدا ئەم چەند ساڵەی دوایی بۆ من زۆر قورس بوون، بەتایبەتی دوو ساڵی دوایی’.
نادال لە کاروانی وەرزشی خۆیدا 92 نازناوی بەدەستهێنا، کە 22 نازناقوی گراند سلام و 36 نازناوی جامی ماستەرز بوون، ماتادۆرەکە لە کاروانی وەرزشی خۆیدا 1080 بردنەوە و 227 دۆڕانی بەدەستهێنا.
