یاریگا –
وادەی گەڕانەوەی دەیڤد ئالابا ئەستێرەی نەمسایی یانەی ریال مەدریدی ئیسپانی بۆ یاریگاكان دیاریكرا.
لە كۆتایی ساڵی رابردوو ئالابا تووشی پچڕانی بەستەری ئەژنۆی بوو بەهۆیەوە ماوەیەكی زۆرە لە یاریگاكان دووركەوتووەتەوە.
🏥 El regreso de David Alaba se retrasa hasta 2025 y pone al límite la defensa de Carlo Ancelotti.
El futbolista austriaco tenía previsto volver en el mes de octubre. Ahora el plan es que regrese en enero.
✍️ @Rodra10_97 https://t.co/fKbB05m6ay
— Relevo (@relevo) October 10, 2024
بە گوێرەی زانیارییەكانی تۆڕی رێلیڤۆ، گەڕانەوەی ئالابا بۆ یاریگاكان سەرەتای ساڵی 2025 دەبێت، دوای ئەوەی چاوەڕوانكرا لەم مانگەدا بگەڕێتەوە.
ئاماژە بەوەشكراوە، هەفتەكانی كۆتایی بۆ ئالابا لە ڤاڵدیباس زۆر باش بووە و یاریزانەكە دەستی بە چاكبوونەوە كردووە، كارلۆ ئانچێلۆتی ئالابا بە یاریزانێكی سەرەكی تیمەكەی دەزانێت و نایەوێت پەلە لە گەڕانەوەی بكرێت. دەیەوێت بە تەواوی و بە رێژەی %100 لە پێكانەكەی چاكبێتەوە. چاوەڕوان دەكرێت سەرەتای ساڵی داهاتوو بگەڕێتەوە یاریگاكان.
ئالابا لە هاوینی ساڵی 2021 بە گرێبەستێكی ئازاد لە ریزەكانی بایرن میونشنەوە پەیوەندی بە ریال مەدریدەوە كرد.
