یاریگا –
ئالیسن بەیکەری بەڕازیلی نزیکەی دوو مانگ لە یاریکردن دادەبڕێت.
تۆڕی وەرزشی سکات سپۆرت بڵاویکردووەتەوە، ئالیسن بەیکەری گۆڵپارێزی لیڤەرپوول لە ماسولکەکانی رانی تووشی پێکان بووە و تاوەکو دوای پشووە نێودەوڵەتییەکانی مانگی یازدە بۆ یاریکردن ناگەڕێتەوە.
Alisson Becker has sustained a hamstring injury and is not expected to return until after the next international break ❌ pic.twitter.com/X8zePNtP3e
— Sky Sports Premier League (@SkySportsPL) October 9, 2024
ئالیسن لە یاریی رابردووی لیڤەرپوول بەرامبەر کریستاڵ پاڵاس لە یارییەکانی گەڕی حەوتەمی پرێمەرلیگ لە خولەکی 79 بۆی پێکان یاریگای جێهێشت.
هەر دوای یارییەکە ئاڕنە سڵۆتی راهێنەری یانەکە و ڤیرجیل ڤان دایکی کاپتنی لیڤەرپوول ئاشکرایانکرد پێکانەکەی ئالیسن سەختە و ماوەی دابڕانی زۆر دەبێت.
بەهۆی پێکانە سەختەکەی گۆڵپارێزە تەمەن 32 ساڵانییەکە لە حەوت یاریی داهاتووی یانەکەی بێبەش دەبێت، کە دوو یاریی لە چامپیۆنزلیگ، چوار یاریی پرێمەرلیگ و یارییەکی جامی کاراباو دەگرێتەوە.
ئەو یارییانەی ئالیسن بەیکەر لێیان دادەبڕێت
🏠 چێڵسی (پرێمەرلیگ)
✈️ لایپزیگ (چامپیۆنزلیگ)
✈️ ئاریسناڵ (پرێمەرلیگ)
✈️ بڕایتن (جامی کاراباو)
🏠 بڕایتن (پرێمەرلیگ)
🏠 لیڤەرکوزن (چامپیۆنزلیگ)
🏠 ئاستۆن ڤێلا (پرێمەرلیگ)
پێشبینی دەکرێت بۆ یاریی بەرامبەر ساوسامپتن لە 24ـی نۆڤێمبەر بگەڕێتەوە، کە سێ رۆژ دوای ئەو یارییە لە چامپیۆنزلیگ میوانداری ریال مەدرید دەکەن.
