یاریگا –
ریال مەدرید پێکانی ئیدێر میلیتاوی راگەیاند و ئەو بەرگریکارە بەڕازیلییە لە یانەکە و هەڵبژاردەکەی دادەبڕێت.
یانەی ریال مەدریدی ئیسپانی لە بەیاننامەیەکیدا ئەنجامی پشکنینە پزیشکییەکانی ئیدێر میلیتاو بەرگریکاری بەڕازیلی یانەکەی راگەیاندووە و دووپاتیکردووەتەوە، میلیتاو لە قاچی چەپی تووشی کرژبوونی ماسوڵکەکانی بووە.
Parte médico de Militão.#RealMadrid
— Real Madrid C.F. (@realmadrid) October 8, 2024
ئارانچا رۆدریگێز رۆژنامەنووسی ئیسپانی رایگەیاندووە، میلیتاو بەهۆی پێکانەکەی بۆ ماوەی 10 رۆژ لە یاریگاکان دادەبڕێت، بەڵام میدیا ئیسپانییەکان لەوە دڵنیا نین میلیتاو بۆ یاریی داهاتووی ریال مەدرید بەرامبەر سێلتاڤیگۆ ئامادە دەبێت یان نا.
رۆژنامەی ئاسی ئیسپانی ئاشکرایکردووە، گومان دەکرێت میلیتاو دوای پشووی یارییە نێودەوڵەتییەکان بۆ یارییەکەی سێلتاڤیگۆ ئامادە بێت.
