یاریگا –
دایۆت ئۆپامیکانۆ بەشداریی دوو یاریی داهاتووی فەڕەنسا بەرامبەر ئیسرائیل و بەلجیکا ناکات.
دوێنێ یەکشەممە بایرن میونشن لە یارییەکانی گەڕی شەشەمی بۆندسلیگا بووە میوانی فرانکفورت، یارییەکە بە یەکسانبوون 3-3 کۆتایی هات.
ئۆپامیکانۆی فەڕەنسی لە خولەکی 38ـی یارییەکە گۆڵی دووەمی یانەکەی کرد، بەڵام لە دواساتەکانی یارییەکە بەهۆی پێکان یاریگای جێهێشت و تا کۆتایی لە یاریگا نەمایەوە.
رۆژنامەی لیکیپی فەڕەنسی بڵاویکردووەتەوە، ئەمڕۆ پشکنینی پزیشکی بۆ بەرگریکارە تەمەن 25 ساڵانییەکە کراوە، دەرکەوتووە لە ماسولکەکانی رانی تووشی پێکان بووە و پێویستی بە پشوو هەیە.
رۆژانی 10 و 14ـی ئەم مانگە فەڕەنسا لە نەیشنزلیگ رووبەڕووی ئیسرائیل و بەلجیکا دەبێتەوە، دایۆت بەهۆی پێکانەکەی لە هەردوو یارییەکە بێبەش دەبێت و پەیوەندی بە شاندی هەڵبژاردەی وڵاتەکەی ناکات.
ئۆپامیکانۆ بە درێسی هەڵبژاردەی فەڕەنسا بەشداری 27 یاری کردووە و 2 گۆڵی بۆ لێس بلووز کردووە.
Blessé aux ischios, Dayot Upamecano forfait avec les Bleus pour les matches contre Israël et la Belgique https://t.co/OCq7DWAj1X pic.twitter.com/sOgDCDusGp
— L'ÉQUIPE (@lequipe) October 7, 2024
