یاریگا –
رۆژی هەینی رابردوو دادگای تایبەتمەند بڕیارێکی دڵخۆشکەری لە بەرژەوەندی پۆڵ پۆگبا دەکرد بە کەمکردنەوەی سزاکەی لە چوار ساڵەوە بۆ 18 مانگ ئەوە دوای ئەو بڕیارەی لە کۆتایی مانگی شوباتی ئەم ساڵ کە ئەستێرە فەڕەنسیەکەی بەهۆی بەکارهێنانی ماددەی وزەبەخشەوە پێ سڕکرا.
بەگوێرەی نوێترین زانیاری فابریزۆ رۆمانۆ، چاوەڕواندەکرێت خانمە پیرەکە و پۆگبا بە ڕێککەوتنێکی دوولایەنە گرێبەستی نێوانیان هەڵبوەشێننەوە و ناوەڕاستکارەکە لە بازاڕەکەدا ئازادبێ.
رۆمانۆ لە سەرچاوە باوەڕپێکراوەکانیشەوە زانیویەتی کە سبەینێ گفتوگۆکانی نێوانیان لەو بارەیەوە بەردەوامدەبێت و پۆگبا لە مانگی مارسی ساڵی داهاتوو رێگەپێدراو دەبێ بۆ یاریکردن.
هەر بەپێی زانیارییەکانی رۆمانۆ، خودی پۆڵ پێی وایە دەستپێکێکی نوێ باشترین چارەسەرە بۆ خۆی و بۆ بەردەوام لە کاروانەکەی.
🚨 Paul Pogba and Juventus, expected to agree on contract termination as he will become a free agent.
Talks to follow from tomorrow after CAS verdict, as Paul will be available from March.
Paul Pogba also feels a fresh start would be best solution for him and his career. pic.twitter.com/niTvAzRbzt
— Fabrizio Romano (@FabrizioRomano) October 6, 2024
پۆگبای تەمەن 31 ساڵ لەوەتەی دەرکەوتنی وەک یاریزانی پیشەگە لە ساڵی 2011 تەنها یاریی بۆ دوو یانە کردووە ئەوانیش مانچێستەر یونایتد و یوڤێنتوسە. هێشتا دیار نیە وێستگەی داهاتووی لە کوێ دەبێت.
