ماوەی دوورکەوتنەوەی ڤینیسیۆس جونیۆر لە یاریگاکان دەستنیشانکرا
یاریگا –
ڤینیسیۆس جۆنیۆر بەهۆی پێکانەوە پەیوەندی بە هەڵبژاردەی بەڕازیل ناکات و بەشداریی دوو یاریی داهاتووی سێلیساو ناکات.
ڤینیسیۆس جۆنیۆر بەهۆی ئەو پێکانەی لە یاریی بەرامبەر ڤیاڕیال تووشی بوو، بۆ ماوەی 10 رۆژ لە یاریگاکان دادەبڕێت و ناتوانێت پەیوەندی بە هەڵبژاردەی بەڕازیلەوە بکات.
🇧🇷 Vinicius no volará con la selección brasileña y se quedará en Madrid recuperándose.
El entorno de Vini estima unos 10 días de baja mientras que en el club son más cautelosos porque pese a no ser grave es una lesión molesta y lenta. https://t.co/RZZCmjQEpa
— Sergio Quirante (@SQuirante) October 6, 2024
سێرجیۆ کیرانتی، رۆژنامەنووسی لە کانڵی دازن رایگەیاندووە، ڤینی ناتوانێت بەشداریی یارییەکانی بەڕازیل بکات، کە سەماکارانی سامبا لە پاڵاوتنی ئەمریکای باشوور بۆ گەیشتن بە مۆندیالی 2026 رووبەڕووی چیلی و پیرۆ دەبنەوە.
بەرەبەیانی هەینی کاتژمێر 03:00 (بە کاتی هەولێر) دەبنە میوانی چیلی، دواتریش رۆژی 16ـی ئەم مانگە کاتژمێر 03:45 (بە کاتی هەولێر) میوانداریی پیرۆ دەکەن.
بەڕازیل لە ئەمریکای باشوور لەکۆی 10 هەڵبژاردە بە کۆکردنەوەی 10 خاڵ لە 8 یاری پلەی پێنجەمی گرتووە.
