رووداوێکی سەیر؛ دوو هەڵبژاردە یاریزانێکیان بانگهێشتکردووە !
یاریگا –
ماتیۆس مانێ، ئەو هێرشبەرە لاوەیە کە هەردوو هەڵبژاردەکانی ئینگلتەرا و پورتوگال دەیانەوێت لە پێکهاتەکانیاندا هەیانبێت.
پێدەچێت ئاستە بەرزەکەی ماتیۆس وەک هێرشبەرێک کە تەمەنی تەنیا 17 ساڵە سەرنجی جیهانی تۆپی پێی راکێشابێت و ئەم یاریزانە لە چەند کاتژمێری رابردوودا بووەتە یەکێک لە بابەتەکانی سەرەکیەکانی هەواڵی تۆپی پێی لە ئەوروپا.
هەڵبژاردەی لاوانی پۆرتوگال بڕیاریدا ئەم یاریزانە بانگهێشت بکات بۆ بەشداریکردن لە پاڵەوانێتی چوار نەتەوەیی کە بڕیارە بەم زووانە لە پۆرتۆ بەڕێوەبچێت، هاوکات راهێنەری هەڵبژاردەی ئینگلتەرای خوار 18 ساڵان داوای کردووە لە هەمان رۆژدا بەشداری کەمپی مەشقەکانی ئینگەڵتەرا بکات.
🏴🇵🇹 Wolves youngster Mateus Mane has been named in both England and Portugal’s U18 squads today pic.twitter.com/UNpfc0rjAF
— COPA90 (@Copa90) October 4, 2024
هێرشبەرە لاوەکە لە پۆرتوگال دەستی بە مەشقەکانی کرد بەڵام دوای ماوەیەکی کەم گەڕایەوە ئینگلتەرا بۆ ئەوەی بەشداری یارییەکی گرنگ لەم وڵاتە بکات.
تاوەکوو ئێستا روون نییە کە ئایا مانێ لە هەڵبژاردەی ژێر 18 ساڵان بۆ هەڵبژاردەی پۆرتوگال یان ئینگلتەرا یاری دەکات، بەڵام ئێستا کاتێکی چارەنووسسازە بۆ ئەوەی بڕیار بدات کە ئایا دەیەوێت ئەزموونی یاریکردن لە پۆرتوگال تاقی بکاتەوە بکات یان دەیەوێت ببێتە یەکێک لە ئەندامانی سێ شێرەکان.
ماتیۆس لە ساڵی 2023 درێسی وۆڵڤزی پۆشی و لەم وەرزەدا لە پێنج یاریدا لە تیپی خوار 18 ساڵانی وۆڵڤز دوو گۆڵ و دوو ئەسیستی کردووە.
