یاریگا –
دیدیێ دیشام، راهێنەری هەڵبژاردەی فەڕەنسا لیستی کۆتایی یاریزانانی بۆ دوو یارییەکەی نەیشنزلیگ دەستنیشانکرد.
دیشام بە هەماهەنگی لەگەڵ ریال مەدرید، کیلیان ئێمباپێی بانگهێشت نەکردووە. ئەمەش بەهۆی هەستکردنی بە ئازار و ئامادەنەبوونی لەڕووی جەستەییەوە.
دیشام لەبارەی بانگهێشت نەکردنی ئێمباپێ دەڵێت :’من پێشتر قسەم لەگەڵ ئێمباپێ کرد، ئەو تەواو ئامادە نییە و تازە لەپێکان گەڕاوەتەوە و تەواو بۆ یاریکردن ئامادە نییە، بۆیە نامانەوێت سەرکێشی بکەین و پێویستی بە کاتە بۆ ئەوەی بە تەواوەتی چاک بێتەوە’.
لیستی یاریزانانی هەردوو یارییەکە
گۆڵپارێزان: ئاریۆلا، ماینان، سامبا
بەرگریکاران: کلۆس، دیگن، فۆفانا، هێرناندێز، کۆناتێ، کۆندێ، سالیبا، ئۆپامێکانۆ.
ناوەڕاستکاران: کاماڤینگا، فۆفانا، گوندوزی، کۆنێ، چوامینی، زایر ئێمری.
هێرشبەران: بارکۆڵا، دێمبێلێ، کۆلۆ موانی، ئێنکونکو، ئۆلیسێ، تورام
📋 𝐋𝐚 𝐋𝐢𝐬𝐭𝐞 𝐝𝐞𝐬 𝐁𝐥𝐞𝐮𝐬 pour nos 2️⃣ prochains matchs de Ligue des Nations 🙌#FiersdetreBleus pic.twitter.com/mSGiEn9IAK
— Equipe de France ⭐⭐ (@equipedefrance) October 3, 2024
پێشتر رۆژنامەی لیکیپی فەڕەنسی ئاشکرایکردووە، کیلیان ئێمباپێ بەهۆی ئەوەی تازە لە پێکانەکەی گەڕاوەتەوە بۆ دوو یاریی داهاتووی هەڵبژاردەی فەڕەنسا بەرامبەر ئیسرائیل و بەلجیکا بانگهێشت ناکرێت، دیدیێ دیشام بڕیاریداوە سەرکێشی نەکات و پشوو بەو هێرشبەرە فەڕەنسییە بدات.
رۆژانی 10 و 14ـی ئەم مانگە فەڕەنسا لە نەیشنزلیگ رووبەڕووی ئیسرائیل و بەلجیکا دەبێتەوە، ئێمباپێ لەو دوو یارییە بانگهێشت ناکرێت و پشوو وەردەگرێت، کە دوێنێ چوارشەممە لە چامپیۆنزلیگ هێرشبەرە فەڕەنسییەکە لە یاریی لیل و ریال مەدرید نیو کاتژمێر یاریی کرد.
