یاریگا –
هەفتەی داهاتوو ئینیێستا بەیەکجاریی وازهێنانی لە یاریکردن رادەگەیەنێت و کۆتایی بە کاروانی وەرزشی خۆی دەهێنێت.
تۆڕی وەرزشی ریلیڤۆی ئیسپانی ئاشکرایکردووە، ئاندرێس ئینیێستا ناوەڕاستکاری بەناوبانگی ئیسپانی رۆژی 8ـی ئەم مانگە بەیەکجاریی واز لە یاریکردن دەهێنێت، کە ئێستا لە ریزی یانەی ئیماراتی ئیماراتی یاریی دەکات.
ئینیێستا (40 ساڵ) کە بۆ ماوەی 16 ساڵ لە ریزی یانەی بارسێلۆنا یاریی کردووە، هاوینی رابردوو لە ڤیسێل کۆبی ژاپۆنییەوە پەیوەندی بە ریزەکانی ئیماراتی ئیماراتییەوە کرد، کە نازناوی یۆرۆی 2008 و 2012 و مۆندیالی 2010ـی لەگەڵ هەڵبژاردەی ئیسپانیا بەدەستهێنا.
ئینیێستا بە درێسی بارسێلۆنا لە 674 یاری 57 گۆڵ و 135 ئەسیستی کردووە و 37 نازناوی بە درێسی یانە کەتەلۆنییەکە بەدەستهێنا.
ناوەڕاستکارە کەتەلۆنییەکە بە درێسی ئیسپانیا لە 131 یاری 14 گۆڵی کردووە کە یەکێک لەو گۆڵانەی لە یاریی کۆتایی مۆندیالی 2010 بوو، کاتێک لاڕۆخا بە گۆڵێکی بیىەرامبەر لە هۆڵەندای بردەوە.
