یاریگا –
بەشێوەیەکی فەرمی ریال مەدرید پێکانی تیبۆ کۆرتوای گۆڵپارێزی یانەکەی راگەیاند.
ماڵپەڕی فەرمی ریال مەدرید بڵاویکردووەتەوە، ئەمڕۆ پشکنینی پزیشکی بۆ تیبۆ کۆرتوا کراوە، دەرکەوتووە لە ماسولکەکانی قاچی چەپی تووشی پێکان بووە.
بەگوێرەی زانیارییەکانی رۆژنامەنووسی ئێل چیرینگویتۆ خۆسێ لویس سانچێز، گۆڵپارێزە بەلجیکییەکە بەهۆی ئەو پێکانەی بۆ ماوەی دوو هەفتە لە یاریکردن دادەبڕێت.
Parte médico de Courtois.#RealMadrid
— Real Madrid C.F. (@realmadrid) September 30, 2024
بەو هۆیە گۆڵپارێزە بەلجیکییەکە لە دوو یاریی داهاتووی یانەکەی بەرامبەر لیل لە چامپیۆنزلیگ و بەرامبەر ڤیاریال لە یارییەکانی گەڕی نۆیەمی لالیگا بێبەش دەبێت. بۆ یارییەکەی سێڵتا ڤیگۆ لە گەڕی دەیەمی لالیگا دەگەڕێتەوە.
شەوی رابردوو لە یارییەکانی گەڕی هەشتەمی لالیگا و لە دێربی مەدرید ریال مەدرید بووە میوانی ئاتلێتیکۆ مەدرید و یارییەکە 1-1 کۆتایی هات. تیبۆ لەو یارییە تووشی پێکان بووە بەڵام داوای گۆڕانکاری نەکردووە و بەپێکانەوە یارییەکەی تەواو کردووە.
