یاریگا –
ئەمشەو لە یاری لووتکەی بۆندسلیگا لە گەڕی پێنجەم هەردوو یانەی بایرن میونشن و بایەر لیڤەرکۆزن 1-1 یەکسانبوون.
بایرن کە باڵادەستی زیاتری پێوە دیاربوو لە یاریگا، لە ڕێگەی ئالکساندەر پاڤلۆڤیچی ناوەڕاستی بەرگریکارەوە ئەنجامەکەیان کردەوە کاتێک کە هێرشبەرانی باڤاری بەرامبەر گوڵی لیڤەرکۆزن دەستەوەستان بوون، لە هەمووشیان زیاتر هاری کەین.
کەین کە چوار خولەک پێش فیکەی کۆتایی بەهۆی پێکانەوە دانیشێنرا، لە یاریەکەدا تەنانەت تاکە لێدانێکیشی نەبوو بۆ تۆڕی دژبەرەکەیان.
بەگوێرەی ئامارەکانی ئۆپتا، ئەوە یەکەمین جارە دوای سێ ساڵ لە یارییەکی خولدا لەو هێرشبەرە روودەدات کە وەک یاریزانی سەرەکی بەشداریپێکرابێ بەڵام هیچ لێدانێکی نەبووبێ بۆ گۆڵ.
هەر بەپێی زانیاریەکەی ئۆپتا، کۆتا جار گۆڵکارە ئینگلیزیەکە کەوتبێتە دۆخێکی هاوشێوە، سێپتەمبەری ساڵی 2021 بوو لەگەڵ تۆتنهام لە یاریەکیاندا بەرامبەر کریستاڵ پاڵاس لە پرێمەرلیگ.
0 – For the first time in three years, Harry Kane failed to attempt a single shot as a starting player in a league match, doing so for Tottenham Hotspur away against Crystal Palace in September 2021. Uncomfortable. #FCBB04 pic.twitter.com/pDimbI41Rk
— OptaFranz (@OptaFranz) September 28, 2024
لەگەڵ ئەوەشدا، ئەو ڕاستیەش شایەنی بیرخستنەوەیە کە هاری کەین لە 7 یاریی سەرجەم پاڵەوانێتیە جیاوازەکاند 9 گۆڵی بۆ بایرن تۆماکردووە.
