مان سیتی لە ئیتاڵیا جێگرەوەی رۆدری دەدۆزێتەوە
یانەی مانچێستەر سیتی چاودێری ئەستێرەیەکی لاوی خولی ئیتاڵی دەکات بۆ جێگرتنەوەی رۆدری لە گواستنەوەی زستانەدا.
هەرچەندە گواردیۆلا رایگەیاندبوو هەریەک لە کۆڤاسیچ، گوندۆگان و ستۆنز دەتوانن لە هەمان پێگەی رۆدری یاری بکەن و شوێنەکەی پڕ دەکەنەوە، بەڵام بەگوێرەی گاردیان، مان سیتی دەیەوێت لە گواستنەوەی زستانەدا ساموێل ریچی ناوەڕاستکاری تۆرینۆ بگوازێتەوە.
تۆرینۆ بەهاوبەشی لە ئێستادا لە پلەی یەکەمی خولی ئیتاڵی دێت و ریچی رۆڵێکی گرنگی گێڕاوە لە سەرەتای ئەم وەرزەدا. بە جۆرێک تەنها 28 خولەک بەشدارنەبووە.
ناوبراو بەوە ناسراوە توانای دیاریکردنی تێمپۆی یاریگای هەیە، دەتوانێت هێڵی ناوەڕاست ببڕێت و دابەشکاری تۆپ بێت لەنێو یاریگا. بەگوێرەی ماڵپەڕی گۆڵ، چاوەڕواندەکرێت نرخی 40 ملیۆن دۆلار بێت.
تیمەکەی گواردیۆلا تووشی کێشەیەکی گەورە هات کاتێک رۆدری سوپەرستاری ستیزن پێککرا و دواتریش راگەیەندرا تا وەرزی داهاتوو ناگەڕێتەوە یاریگاکان.
