دوای رزگاربوونی ژیانی سێرجیۆ ریکۆ پەیوەندی بە یانەیەکی نوێ دەکات
یاریگا –
پاش ئەوەی پزیشکەکان رووناکی سەوزیان بۆی هەڵکرد، سێرجیۆ ریکۆ بۆ یاریکردن دەگەڕێتەوە.
ماڵپەڕی ئاتلێتیک بڵاویکردووەتەوە، سێرجیۆ ریکۆ لەگەڵ یانەی غەڕافەی قەتەری گەیشتووەتە رێککەوتنی کۆتایی، ئەمڕۆ چوارشەممە گەشتی قەتەر دەکات و دواتر گرێبەستەکەی لەگەڵ یانە قەتەرییەکە واژۆ دەکات.
ریکۆ لە مانگی حوزەیران گرێبەستەکەی لەگەڵ پاریس سانجێرمان کۆتایی هات و بێ یانە بوو، بە گرێبەستێکی ئازاد روو لە قەتەر دەکات.
گۆڵپارێزە ئیسپانییەکە لە 28ـی ئایاری ساڵی رابردوو لە ئیسپانیا ئەسپێکی لە کۆنتڕۆڵ دەرچوو بەسەریدا رۆیشت، بەوهۆیە زیانێکی زۆر بەر سەر و ملی کەوت.
بەو هۆیە 19 رۆژ لە کۆمادا بوو، بۆ ماوەی 36 رۆژیش لە ژێر چاودێری چڕی پزیشکی بوو، ریکۆ لە مانگی تەموز چاودێری چڕی جێهێشت، مانگێک دواتریش نەخۆشخانەی جێهێشت و بەتەواوی چاکبووەوە.
¡Que lindo tenerte de vuelta en casa, @sergiorico25 ! 🧤🇪🇸#PSGNEW pic.twitter.com/q4ul82GAo4
— Paris Saint-Germain (@PSG_espanol) November 28, 2023
لە سەرەتای 2024 پشکنینی پزیشکی وردی بۆکرا و لە مانگی نیسانیش دەستی بە مەشق و راهێنانەکانی کردەوە و بۆ یاریکردن ئامادەبوو، بەڵام لە مانگی تەمموز گرێبەستەکەی لەگەڵ پاریس کۆتایی هات.
ریکۆ یاریی بۆ یانەکانی سێڤییا، فولهام، ریال مایۆرکا و پاریس سانجێرمان کردووە. لە سەرجەم پاڵەوانێتییەکاندا بەشداری 277 یاریی کردووە، 380 گۆڵی لێکراوە و لە 87 یاری تۆڕی گۆڵەکەی بەخاوێنی پاراستووە.
